رواية زواج لدقايق معدودة الفصل الثالث 3 بقلم زهرة الربيع حصري
تساعد نوح كان بيبصلها بدهشه شديده واتجمد لثواني
بس فاجأها لما ضحك بسخريه وقال..سند..اممم طب تمام كويس انك عرفتيني
ونادى بصوت عالي وقال..نجاتي..خلي الرجاله يدخلو ...انا خلاص سمعت منها
غنوه ارتبكت وقلقت جدا من رده وبقتش فاهمه هيرد على الرجاله يقول ايه
عند سند كان واقف قدام شروق بغضب ميتوصفش وقال...انا مش قولتلك قبل سابق تقفلي باب اوضتك من جوه... افرض كان حد غيري دخل
شروق وقفت بفزع وقالت بغضب...وانت تدخل اصلا ليه...وايه هو اللي افرض .. لما تبقى مرتي وعلى زمتي قريب
شروق بصتلو بغضب شديد وقالت...دي احلام في دماغك لحالك يا واد عمي ...متتعبش روحك انا لو هبور واعنس وانت اخر راجل في الدنيا مهتجوزكش
شروق بلعت ريقها بتوتر وحرج وقالت..انت...انت قصدك ايه مفهماكش
وقال بغضب يخوف...قصدي انسيه يا شروق انسيه خالص..نوح مش نصيبك يا بت الناس فهمتي مش نصيبك.
قال كده وطلع بغضب ورزع الباب وراه وشروق قعدت على السرير بقلق منو ومن كلامه واتاكدت انو سمعها واترعبت جدا انو يحكي لاهلها
سند طلع وهو مش شايف قدامو وهيتجنن من اللي سمعه منها ولسه هينزل وقفت قدامو ست في اوخر الاربعين وقالت بسخريه...بردك كنت عندها...ما قولتلك اسمع كلامي وهاتلي حته من أترها لو حتى منديل وانا اشوفلك الشيخ بلال
سند نفخ بزهق وخنقه وقال...يا اما حرام عليكي مش كل ماهتقابليني هتسمي بدني ارحميني انا مطايقش نفسي
امه قالت بسخريه ....ومطايقش نفسك ليه يا ود حليمه هيه الغندوره لساتها شيفاه راجل وشيفاك رجل كنبه
سند بصلها بغضب وقال ..اما...قولتلك مطايقش كلام السعادي ...سيبيني في همي بقى معايزش ازعلك مني
قال كده ومشي من قدامها بغضب شديد
حليمه قالت بزعيق علشان تسمعه ....وجاي على نفسك ليه زعلني يا ود الحاكم مهو مبقاش ناقص الا تزعل امك عشانها يا اخرت صبري
بس سند موقفش واتجاهل كلامها اللي متعود عليه
حليمه بصت لطيفه واتنهدت بغضب وقالت...ولا تزعل روحك يا ابن بطني عمرها بت هويده ما هتغلى عليك ولا هتكون غير ليك..وبكره تقول امي قالت
حصريا بقلم...زهرة الربيع
اما تحت عند نوح كانوا الرجاله مستنيين رده وحكمه وهو اتنهد وقال... شوفو يا رجاله انا ولا مره قضيه حيرتني كده سواء في المحكمه وانا محامي ولا في مجلس عرب وانا النائب بتاعكم ..دايما كنت بعرف السبب فببقى عارف مين الظالم و مين المظلوم
حسنين بصله بضيق وقال.... تقصد ايه يا عمده
نوح حمحم وقال.... البنيه برده ما عايزاش تتكلم ...يمكن خايفه او مصدومه من اللي حصل...المهم انها ما قالتش اي حاجه
غنوه بصت له بدهشه وهو ابتسم لها
بس قبل ما يكمل قاطعوا حسنين لما وقف وضرب عصايته في الارض بغضب وقال ....لاه يا عمده ده دم ولدي والحكومه ما هتدخلش فيه و ناس البلد تقول حسنين ما قدرش ياخذ طار ولده وجاب لها الحكومه
نوح وقف وضرب العصايه بتاعته بنفس الطريقه وقال بغضب... ولا انا اقبل يتقال عليا من غير ما اسمعها ولا اعرف اسبابها ..بلاش يتقال علي اقول لربنا ايه لما يسألني. اسمع يا حسنين يا اما تهمل الموضوع للحكومه وهم يحققو فيه ولو ليك حق تاخده ...يا اما تستنى عليها لغايه ما تتكلم
غنوه كانت بتسمعوا باستغراب ومش فاهمه بيعمل ايه وحسنين قال ... يعني ايه هنستناها لحد ميته
نوح قال بسرعه.... مش كتير... نديها فرصه بس ونبرأ ذمتنا اسبوعين ثلاثه بالكثير لو ما اتكلمتش..وقتها وعد مني ليك. بس خلينا نديها فرصه تفوق من صدمتها يمكن تتكلم
حسنين قال بغضب... ماشي يا عمده ...لجل خاطرك هاستنى الاسبوعين بس ما هستناش اكتر من كده.. .. بينا يا رجاله
قال كده ومشي هو ورجالته
وحميد ابتسم بسعاده وقال بسرعه...ربنا يباركلك يا نوح بيه ربنا يعلي مراتبك
نوح قال بسرعه.... لا
خلينا في القابض اختك دي لو ما اتكلمتش في ظرف الاسبوعين دول هضطر اسلمها ..مهقدرش اسيب حق الراجل اكثر من كده
حميد هز راسه بسرعه وقال....انا هحاول معاها وان شاء الله تتكلم
نوح قاطعه وقال بسرعه ....لا انت ما تحاولش ولا تتعب نفسك سيبها لي هنا الاسبوعين دول وانا هظبطها وهنطقها بمعرفتي
حميد وغنوه اتسعت عينيهم بزهول وبصوا لبعض بدهشه وحميد قال بغضب مكتوم ...قصدك ايه يا عمده
نوح ابتسم بسخريه وقال...اعقل كلامك يا ود الجزار ..انت سايبها في حما نوح الحاكم ومع اهل بيته مهيش في الشارع علشان تخاف عليها
حميد قال بتوتر ...احم مقصديش جنابك بس...
قاطعو وقال....انا اللي عليا عملتو ...ويكون في معلومك حسنين ناويلها على غدر..ميغركش اللي قالو قدامنا. لو خرجت من هنه هتتقتل عيار طايش ويقولوا ما قريناش منيها..و وقتها ما هقدرش اعمل لك حاجه
غنوه قالت بسرعه وغضب ....يعملوا اللي يعملوه هي موته ولا اكتر... المرة يا تعيش يا تموت اكرم
نوح ضحك بسخريه وقال .. قصدي تعالي على نفسك شويه
حميد قال بتوتر..مينفعش يا عمده كلامك ده مينفعش واصل... لو عايز تساعدنا لاقيلنا حل غير ده
نوح لسه هيرد بس جاله اتصال شاف الاسم واتنهد وقال... ثواني
ورد وقال بجديه... ايوه خير
