رواية زهرة العاصي كاملة جميع الفصول بقلم صفاء حسني

1
شعرت فتاة بمغص مفاجئ في وسط المحاضرة لكنها استحملت الألم. قبل المحاضرة التالية خرجت. سألتها صديقتها رايحة فين يا زهرة هزت زهرة رأسها قائلة رايحة الحمام تعبانة ومش قادرة أتكلم كل كلمة يا زينة بالله عليكي. ضحكت زينة قائلة حاضر يا قلبي بس متتخريش عشان المادة اللي بعدها رخمة. هزت زهرة رأسها على حسب الوضع احتمال أروح يا زينة أشوف كده وأتصل بزياد... هو صحيح محضرش ليه المحاضرة نفخت زينة بضيق أنا إيه اللي عرفني فكي منه يا زهرة ده مش شبهك ولا يكون زيك! إنت تستاهلي واحد بعقلك ونضجك أنا مش عارفة إزاي حبيتي واحد زي ده. كتمت زهرة بوقها وقالت حب إيه يا بنتي هو زميل مش أكتر. ضحكت زينة عليا بردو هو إنت بتتكلمي مع زملاء أصلا بقالك سنتين بتجنبي الشباب لحد ما لعب بعقلك المحروس! نفخت زهرة بضيق أنا مش قادرة أقف. انفزعت عليها زينة آجي معاكي. هزت زهرة رأسها بالنفي مش ينفع يا قلبي لازم حد يحضر النهاردة أفهم اللي تفهميه وأكتب اللي توصلي له وأنا هعرف أجمع كله مع بعضه. وتركت المحاضرة وذهبت إلى الحمامات. كان هناك تصليح في الحمامات اقترب منها عامل قائلا الماء قطعة هنا يا بنتي وفي تصليحات روحي المبنى التاني. سألته زهرة إيه المبنى وأروح إزاي رد عليها العامل ووصف لها المكان عند مبنى حقوق قبل باب الخروج التاني بشوية. هزت زهرة رأسها بامتنان وشكرته شكرا جدا. جلست في الخارج وهي تتكلم مع نفسها يا ترى هعرف أروح هناك ولا أقعد أرتاح شوية وبعدين أروح قعدت شوية وهي محتارة. لحظ جلوسها سألها العامل خير يا بنتي قاعدة كده ليه ردت زهرة باستحياء الحقيقة أنا تعبانة جدا وصعب أمشي المسافة دي كلها لمبنى حقوق. وضحكت برقة هو أسرع إني أروح بيتي وأركب المترو ولا أركب رجلي ضحك العامل ورد عليها عندك حق يا بنتي. طيب شوفي هو فيه حمامات تانية خاصة بالدكاترة والمدراء الجامعة مسافة مش بعيدة عن هنا ممكن تسندي في إيد حد من زملائك وأنا آجي معاكي وأفتح لك باب منهم هو ممنوع لكن الضروري أحكام. هزت رأسها بالشكر والتقدير زملائي في المحاضرة وأنا خرجت من التعب أنا أقدر أمشي معاك لو المسافة قريبة أرحم من التاني. وشكرته جدا. وبالفعل مشت زهرة حتى وصلت وفتح لها العامل الحمام. دخلت زهرة قضت حاجاتها وشكرت أنها معها فوط نسائية احتياطية وهدوم بديلة وشكرت أمها في سرها مش عارفة أشكرك إزاي يا ست الكل لما نصحتيني إن ديما يكون معايا الإثنين دول بديل لو حصل في الأمور أمور فعلا كان عندك حق أهو نزلت قبل ميعادي ومكنتش عاملة حسابي كويس إن فيه بديل. وبالفعل بدأت في تغيير الملابس الداخلية باستحياء من تحت الفستان الطويل ولبست فوطة وظبطت نفسها والحجاب ووقفت أمام المرآة للتأكد أن الفستان ما فيهوش بقعة وشكرت الظروف أنها لبست فستان لون غامق ما يظهرش فيه وطولت الحجاب شوية وشكرت ربنا وقالت بين نفسها يااه على الدين الإسلامي والناس بتعيب على الحجاب الطويل أهو ستر في الظروف الصعبة للبنت أو الست مدري ظهري وكمان من قدام فلو سمح الله في أي بقعة مع طول الحجاب مش يظهر أنا كل يوم أكتشف إن ربنا بيحب الست أكتر من الراجل بطلبه منها الحجاب عشان بيسترها في الأوقات الصعبة دي وكمان من عيون الناس ما ترحم. حطت الهدوم اللي قلعتهها في

كيس أسود زي ما عاملة حسابه وحطته في الشنطة الكبيرة اللي كانت معترضة عنها لأمها لما أمها أصرت تلبسها النهاردة وأكدت تحط الحاجات دي قلبك حاسس يا ست الكل. بعد ما انتهت وخرجت كان العامل مشي وهي كانت نسيت الطريق هي جت معاها بالعافية وم مركزتش. خرجت من الحمام ومشت لكن بطريق مختلف كان في مبنى قديم تقريبا المهم وهي ماشية بتدور.. خرج ومشي يدور على باب أو أي حد يسأله. لحظ وقتها زهرة وهي قاعدة وبتعيط وقتها حاسة بإحساس غريب ملامح زهرة البنت الجميلة الهادية مع حجابها الطويل اللي محليها أكتر وكانها حور. كانت زهرة قاعدة جانب باب الخروج ومش قادرة تتخطى اللي شافته أو تتخيل هما بيعملوا إيه مع بعض قلبها موجوع. كان الشاب محتار يسيبها لوحدها ولا يسألها عقله بيقوله يسألها إنت بتعيطي ليه يا أنسة ردي عليا. قطع شرودها ودموعها اللي بتنزل بغزارة وهو حاسس إنه بيتقطع وهو شايفها بتعيط ومش عارف يعمل إيه وليها صعبت عليه والح في السؤال ردي عليا بالله عليكي ووقفي دموعك ده واضح إنك تعبانة أوديكي لدكتور أو أوروك أي حاجة أنا تحت أمرك. كانت ساكتة كل اللي في عقلها اللحظة اللي شافت فيها الشاب اللي بتحبه وهو في وضع مش لطيف مع بنت ومش أي بنت اللي كانت عاملة نفسها صاحبتها. انتظر الشاب بجوارها لكن بعيد شوية مش قادر يمشي ويسيبها ولا عارف سبب دموعها كل اللي هو عاوزه يفضل قاعد عند زياد افتكر زهرة مسك التليفون فوجئت إنها اتصلت كتير اتصل بيها لكن مردتش عليه راح عند مكان المحاضرة مش موجودة. كانت ياسمين وراه ومستغربة لهفته وخوفه على زهرة وسألته إنت مالك بتدور عليها كده نفخ زياد زهرة مش بتتصل كده كتير غير لو في حاجة أنا لازم أطمن عليها. كانت المحاضرة خلصت والدكتور خرج دخل زياد وقرب عند زينة وسألها هي فين زهرة نظرت له زينة باحتقار مش عارفة كانت تعبانة شوية وقالت احتمال تروح. نفخ زياد ولعن نفسه إنه اشترى الريخص بالغالي وطلب من زينة طيب معلش اتصلي بيها كده وتشوفيها راحت ولا لأ. هزت زينة رأسها واتصلت بزهرة لكن مردتش عليها بعتت رسالة على الواتس وسألتها إنت روحتي يا زهرة كانت زهرة مفطومة من العياط وكتبت أنا عند باب الجامعة شوية وأروح. سألتها زينة إنت كويسة أسيب المحاضرة وأجيلك يا قلبي كتبت زهرة برفض أنا بخير يا زينة مينفعش إحنا الإثنين نسيب المحاضرة يا قلبي. ردت زينة يا قلبي ممكن والله نعودها عند أي حد تاني المهم أطمن عليكي. ردت عليها زهرة أطمني أنا بخير ولا عاوزة تفلسع حاجة تاني. وبعتت إيموشن بيضحك أمنت زهرة وبعدت لها إيموشن بقبلة وقفلت. سألها زياد بلهفة روحت ولا لأ طمنيني.
رواية حصريا للكاتبة صفاء حسنى
زهرة العاصي زهرة العاصي الفصل الثاني 
رواية حصريا للكاتبة صفاء حسنى
زهرة العاصي
روحت ولا لأ طمنيني. قالت زينة بسخرية وهي تهز رأسها. مدام مهتم أوي ليه مردتش عليها وهي بتكلمك ولا عندك اللي أهم منها سبحان الله! من يوم ما أقعد تحرج وتظهر أقدمها وأنا حسيت إنك... ما علينا اخرج يلا الدكتور جاي. ربنا يعلم ما في القلوب.
نفخ زياد بضيق ردي عليا بعد إذنك هي فين والله أروح لها على البيت.
ضحكت زينة بسخرية ومالها لو رجل تعملها ياريت تثبت لي وتثبت لها إنك بتحبها بجد عشان صدقيني اللي يحب واحدة زي زهرة هينيلها دنيا وأخرى.
أكد زياد بحماس أنا جد جدا ومعرفش ليه بتكرهيني بكرة هتشوفي.
ضحكت زينة أفلح إن صدق! ما علينا هي قالت عند باب الجامعة وبتقول هتروح. شوفي بقى يا تلحقها ولا لأ. ولو رجل روح لها على البيت. واثق علاقتك بيها زهرة ده كنز وحصن لأي حد يكون من نصيبها رغم إني عارفة إن علاقتك مجرد مصلحة وأول ما تخلص وتتخرج تقول لها أمك في العشة واللا طارت!
لم يستمع لها زياد وجري عشان يلحقها. كانت ياسمين مراقبة الوضع وهتتجنن ليه ملهوف عليها كده.
بعد شوية كان زياد وصل وهو نفسه ينقطع. كان قاعد مراقب زهرة وهي بتكتب على الواتس وشعر إنها بتحاول تهرب من حزنها. لكن فجأة شاف شاب داخل عليها ومكانش مرتاح له وكأنه يعرفه أو يعرفها من زمان وكأنه نسي العربية أو هو كان جاي ليه كل اللي همه يراقب الوضع وقال ما بين نفسه ممكن تكون تعرفه... أمشي أمشي إلا لما أطمئن.
اقترب زياد منها بلهفة وخوف إنت فين يا زهرة أنا لفيت عليكي الجامعة كلها وملقتكيش. وسألت زينة قالت إنك تعبانة. سلامتك يا قلبي! وقاعدة لوحدك ليه هنا
لاحظ الشاب أول ما شافت زياد مسحت زهرة دموعها وسكتت شوية. واستغرب إزاي زياد ما خدش باله إنها حزينة لكن ابتسم مع نفسه اسمها زهرة اسم حلو وكأنها فعلا زهرة في وسط بستان. يا ترى إيه مشكلتها
بدأت زهرة تستعيد قوتها وشجاعتها وكرامتها اللي حاسة إنها أتهانت في حبها لواحد زي زياد وبدأت تلم حاجاتها من غير ما تعطي أي اهتمام ليه وكانت خرجت من باب الجامعة.
خرج وراها زياد وهو بينادي عليها يا زهرة! أنا بكلمك ردي عليا.
بدأت الدنيا تغيم وأعلنت السماء عن نزول المطر. كل واحد بدأ يمسك الشمسية إلا زهرة وكأن السماء بتعيط بدالها.
كان الشاب اللي مراقبها جاله تليفون إنت فين يا دكتور عاصي
رد الدكتور عاصي وهو متابع زهرة وفتح الشمسية أنا في الجامعة يا دكتور حاتم لكن هطلب من الأمن يجيبوا حد للعربية وأجي.
ابتسم حاتم أفهم كده موافق تقبل تتعين دكتور هنا في الجامعة وتنفذ اللي طلبه منك جدك ووجودك ينقذ الجامعة أنا متأكدة.
هز عاصي رأسه بالتأكيد لكن زي ما اتفقنا محدش يعرف من الشركاء إني حفيد زاهرا الصياد لحد ما أفهم اللي بيحصل.
ابتسم حاتم أنا متفائل... آه كنت عايز أقول لك حاجة...
كان عاصي عايز يلاحق زهرة فكتم في الكلام بإذن الله تعالى يا دكتور حاتم أقفل معاك وأرجع أكلمك تاني.
وفعلا قفل.
خرج الدكتور عاصي وهو متابع اللي بيحصل طلب من الأمن يساعدوا بعد ما طلع البطاقة الشخصية وهويته تثبت إنه دكتور وطلب من الأمن لو سمحت يا كابتن تشوف لي حد بيصلح عربيات الكوتش نايم.
ابتسم الأمن اللي قاعد هي اتعملت فيك يا دكتور.
استغرب عاصي وهو ماشي فاهم هو إيه اللي اتعمل ممكن توضيح
رد الأمن أكيد خبر إنك هتكون دكتور جديد في الجامعة سمع بيه ولاد الحرام ولعبوا في الكوتش بتاع العربية ده العادي مع كل دكتور جديد ترحيب أو...
ابتسم عاصي للأمن لكن من جواه مش عاجبه اللي بيحصل وقال أو اختبار عشان يشوفوا هأتصرف إزاي.
وفعلا لاحظ شوية شباب وبنات متابعين من بعيد والبنات بتعاكس وواحدة اتكلمت وااااو! إيه الجمال والشياكة والوسامة ده! أنتم متأكدين ده دكتور ده وسيم وحلوى! لازم أصوره وأنزل الصورة على جروب الجامعة عشان الكل يكون عارفه.
ضحك شاب معهم يا بنتي مش هتعرفي الدنيا بتمطر وكمان هو معاه شمسية.
ضحكت البنت لأ هو نزل الشمسية عند البوابة وتليفوني ضد المياه أقرب شوية وأقط صورة.
تحدث شاب آخر لكن واضح إنه على نياته شوفته قاعد إزاي وهو محتاس معرفش يعمل إيه ده إحنا هنتسلى يلا بينا.
اقتربت البنت من البوابة ولقطت كذا صورة على إنها بتاخد سيلفي وهو بيتكلم وكانوا الشباب متابعينها. لكن لحظة زياد بيجري ورا زهرة سألهم شوفي زياد بيجري ورا زهرة أولى الدفعة ليه في حاجة
انتبه الشاب ونظر لهم وهو بيرد معرفش أنا كنت مركز مع الدكتور الجديد. هو في حاجة ما بينهم.
رفضت البنت زهرة وزياد استحالة! زهرة طيبة جدا وبتساعد أي حد محتاج شرح في أي مادة ودايما بتساعد الكل وملتزمة جدا متعرفش بالحب والعلاقات وأنت عارف زياد أناني ومصلحي وبتاع بنات يعني أكيد كل همه من التقرب إنه ياخد تعبها.
سمع الكلام الدكتور عاصي وبدأ يفهم شخصية زهرة وأخد صورة عن زياد.
خرج زياد وهو متعصب وزهرة كانت لابسة حجاب أزرق مع فستان أزرق والمطر نازل وضعت الشمسية فوق رأسها واقترب يمسك إيدها لكن أترجعت وتحدث بغضب إنت عارفة أنا بكره أسلوبك ده يا زهرة ولما أكلمك ردي عليا متخرجيش وتخرجيني وراك وكمان الدنيا بتمطر تعالي نتكلم جوه.
ضحكت زهرة بسخرية بتكره أسلوبي بس يا زياد أنا اكتشفت إنك بتكرهيني كلي على بعضي للأسف! لكن أقول لك إيه غير الحمد لله إن ربنا أنقذني منك. كنت دايما بصلي صلاة استخارة وأستخير ربنا كنت حاسة بحاجة جوه رافضة أتعامل معاك وأخيرا الحمد لله إن استجابته كانت سريعة. روح لحالك يا زياد.
مكنش فاهم زياد في إيه وسألها زهرة مالك فاهمني ليه لازمة الكلام ده إنت عارفة إن كل اللي في الجامعة مستخسرينك عليكي وأكيد بيشوهوا سمعتي عندك.
أكملت زهرة بسخرية تصدق طلعوا هما الصح وأنا اللي هبلة. إنت دخلت من ناحية الدين بعد ما رفضت أرد عليك مرة واتنين وتلاتة عرفت إني ملتزمة قلت تعمل إيه عايز رقم بابك! أنا غرضي شريف أنا مكنتش مصدقك لكن معرفش إزاي رديت عليك ظهرت بوجه الملاك صليت الفجر يا زهرة صليت الظهر أخبار المحاضرات إيه بدأت واحدة عشان أتعود عليكي لكن صدقني مساعدتي لك صادقة على صحتي لكن من النهاردة بابك مخضر شوف لك واحدة تانية.
وعملت بلوك لرقمه على التليفون والواتس وقالت أنا عملت لك بلوك من كل حاجة تخصني وأريحك من أسلوبي يا زياد روح لشغلك.
انصدم زياد وجاي يمسك إيدها وقفته وقالت عندك! اوعى تتجرأ تقرب مني مرة تانية يا زياد إنت صفحتك اتقفلت من النهاردة.
شعر زياد بالندم وكان بيترجاها زهرة بالله عليكي اسمعيني أنا بحبك. كشف سترك لي.
ومشيت خطوتين كمان عشان تعدي.
وقفها زياد في الشارع وسألها إزاي عرفت وبعد كده خاف لتكون بتوقعه تراجع وقال بسخرية هو أي حد يقول لك حاجة عني تصدقي عايزين يفرقونا عن بعض.
ضحكت بوجع للأسف أنا المرة دي اللي شفتك شوف بقى ذنوبك قد إيه عشان ربنا يفضح سترك قدامي بالسهولة دي. روح لحالك يا زياد والحق دنيتك قبل آخرتك الفلوس بتبقى واللا الصحة. وادعي ربنا يتقبل توبتك لو فكرت تتوب.
تنهد زياد وهو بيشعر بخسارتها إنت اللي أجبرتيني على كده يا زهرة كنت كل ما أقرب منك تحطي ألف خط وألف حاجز ومعرفتيش إني شاب ولي رغبات ونفسي أعيش الحب معاكي.
ضحكت زهرة بكل وجع وقهر