رواية أمان قلبي ( كاملة جميع الفصول) بقلم إيسو إبراهيم
المأذون_ موافقة يا بنتي على رضا
العروسة بجمود_ لأ مش موافقة يا شيخنا
علت الهمهمات من حولها وهذا يعتبر أول عروسة في المنطقة تعمل هذا وترفض العريس يوم كتب الكتاب
والدتها بصدمة_ بتقولي إيه يا نور! دا مش وقت هزار يا بنتي
نور ومازالت على جمودها قالت_ بتكلم جد مش موافقة على رضا
الكل مازال في صدمته من كلامها هى التي وافقت من البداية عليه بإرادتها والآن رافضة الزواج منه
رضا بصدمة_ طب ليه مش موافقة! حصل مني حاجة زعلتك أو ضايقتك لو كدا نبقى نتفاهم ونحلها بعدين
نور نظرت له بجمود_ لا بعدين ولا قبلين أنت ماتنفعنيش لأنك كذاب ومخادع
بقلم إيسو إبراهيم
رضا بتوتر_ طب ليه بتقولي كدا عايز أعرف السبب
نور نظرت له بسخرية وقالت_ حلو أوي يعني مش عايز تمشي بسكات كدا عايز الكل يعرفك على حقيقتك ماشي
وهو خاف من الثقة التي كانت في كلامها
قالت نور_ عشان متجوز أصلا لأ وكمان عرفي
الكل صعق من كلامها وبالأخص أهل رضا
والدة رضا قالت_ الكلام دا صح يا رضا
رضا نظر في الأرض وقال_ كنت فعلا متجوز عرفي ولكن طلقتها الصبح وبص لنور وقال_ يعني هى اللي قالتلك
نور بغضب_ أيوا وبعدين أنت مفكر جوازك منها دا صحيح أنا عارفه إنك كنت بتتسلى وبتحاول تقنع نفسك اللي هتعمله صح أهو تعيشلك يومين لغاية ما أهلك يشوفولك واحدة تحافظ على بيتك وتبقى متجوزها قدام الكل وقولت إيه لغاية ما يجي الوقت دا أروح أكتب ورقة عرفي مع واحده في السر بس الورقة دي تبلها وتشرب مايتها أو تبقى تعمل فيها ساندويتشات وأنت رايح الشغل.
لكن ماتضحكش على نفسك وعلى بنت الناس وتحاول تقنع نفسك إنك صح وأنت أصلا بتعمل الغلط ذات نفسه.
لو سمحت اطلع برا بيتي
خالها_ يابنتي ما هو طلقها وبعدين الناس هتقول عليكي إيه
نور بعصبية_ لا مش هوافق على واحد كان متجوز عرفي وبيضحك على بنات الناس والناس هتقول عليه هو مش عليا ولا المجتمع دايما بيحط اللوم والغلط عالبنت حتى لو ماعملتش غلط.
ونظرت للشيخ وقالت_ آسفين يا شيخنا عطلناك على شغلك بس مفيش كتب كتاب هيحصل هنا
المأذون_ تمام وربنا يهديكم
وكان ماشي ولكن جاء صوت من على الباب وقال_ استنى يا شيخنا هيكون في كتب كتاب دلوقتي وعينه جت في عين نور
ياترى مين دا وهتوافق عليه ولا لأ
أمان_قلبي
بارت
بقلم_إيسو_إبراهيم
من فضلكم كومنتس كتيييير
نور باستحقار_ معلش يا شيخنا مفيش كتب كتاب هنا أصل مستحيل أتجوز واحد بتاع جواز عرفي
جاء صوت من على الباب وقال_ استنى يا شيخنا هيكون في كتب كتاب دلوقتي وعينه جت في عين نور
لفت نور لترى الشخص وقالت باستغراب_ وأنت مين بقى ولا جاي تتجوز عندنا
إدريس ببرود_ اها جاي أتجوز هنا طالما العروسة هنا
نور باستغراب_ وهى مين دي
إدريس_ حضرتك العروسة
نور بعصبية_ أنت اتجننت ولا إيه ومالك بتقولها بكل ثقة كدا كأنك تعرفني ولا كأني هوافق عليك
إدريس بعصبية_ هششش ماسمعش صوتك وهتوافقي بدون اعتراض
وكانت هترد عليه لكن وجه إدريس نظره لرضا اللي واقف باستغراب أيضا وقال إدريس_ وأنت واقف هنا ليه ولا حابب تحضر كتب كتابنا
رضا_ اممم لأ واقف أشوف المسرحية اللي بتحصل هنا والحوار اللي الآنسة عملته عشان تتجوزك
إدريس كان لكمه في وشه وقال_ خلي لسانك في بوقك بدل ما أقطعهولك واطلع برا قبل ما أندمك على كل لحظة فضلت فيها قدامي
خرج رضا بسرعة بخوف وأهله وراه
نور كانت واقفة بتستوعب
قالت في نفسها_ دا مش هامه حد دا هتجوزه إزاي ولا هعيش معاه إزاي دا مش هعرف أقوله لأ على أي حاجة ماتعجبنيش بس مين دا أول مرة أشوفه
إدريس_ ها يا عروسة
نور_ إزاي أوافق عليك من غير موافقة أهلي
إدريس ببرود ويضع يديه في جيبه قال_ أهلك عارفين وموافقين
نور_ لا بتهزر إزاي دا وأنا أصلا كنت بقنعهم إني مش هتجوز رضا
إدريس بزعيق_ طب يلا اخلصي وماسمعش اسم الأستاذ دا طالع من بوقك أحسنلك
نور_ تقريبا أمي كانت بتدعي عليا مش بتدعي ليا وأنا تقريبا داخلة حرب
إدريس_ يلا مش فاضي
نور_ ولما أنت مشغول بتعطل نفسك معايا ليه روح يابا شوف شغلك هو أهم من الموضوع دا وماتخافش على سمعتي زي ما بيقولوا محدش هيجي يعيش مكاني لو كنت اتجوزته بعد اللي عرفته وأنا مابهتمش بكلام الناس لأنه لا بيكلمني ولا بيشربني
إدريس_ مش هكرر كلامي تاني يا نور
بقلم إيسو إبراهيم
نور بعصبية_ أنت في وعيك أتجوزك بتاع إيه لا أعرفك ولا تعرفني أنت بتهزر في موضوع مايقبلش هزارك دا وأنا مش هتجوز حد معرفش عنه حاجة
إدريس بعصبية لف لوالدتها وقال فهميها يا عمتو وقدامك خمس دقايق فقط
خالها_ دا ابني إدريس يا نور
نور_ بس أنت ماعندكش ولاد أصلا يا خالو مفيش غير وفاء
خالها_ هفهمك بعدين بس وافقي عليه خلينا نخلص من الموضوع اللي كبر دا والناس بقت بتتفرج علينا وصدقيني مش هتندمي
نور لوالدتها_ ما تقولي حاجة يا ماما
والدتها_ اسمعي كلام خالك يا نور لأني مش راضية على اللي عملتيه مش هقدر أستحمل كلام أي حد وأنت عارفة أي كلمة بتأثر عليا إزاي
نور بمضض_ اللي تشوفوه يا ماما وكانت خايفة تايهة إيه اللي بيحصل لها لكن قالت_ إن شاء
قعد المأذون وبدأ كتب الكتاب ولكن نور كانت في عالم تاني
انتهى المأذون من كتب الكتاب والكل فرحان وبيبارك
إدريس قرب منها بعصبية وهى رجعت لورا بخوف وقالت_ بتقرب مني كدا ليه
إدريس بعصبية همس في ودانها_ حياتك الجاية كلها خوف وعدم أمان يا نور
نور بصدمة_ إيه
ياترى إيه حكاية إدريس وكان فين لما هى ماتعرفهوش
أمان_قلبي
بارت
إيسو_إبراهيم
ماتنسوش تعملوا كومنت لطيف يشجعنيإدريس قرب منها بعصبية وهى رجعت لورا بخوف وقالت_ بتقرب مني كدا ليه
إدريس بعصبية همس في ودانها_ حياتك الجاية كلها خوف وعدم أمان يا نور
نور بصدمة_ إيه
إدريس_ اللي سمعتيه ومابحبش أكرر كلامي مرتين ياريت تكوني نبيهة وذكية معايا كدا عشان خلقي ضيق
نور بزهق_ ولما مش طايق نفسك كدا بدخل شخص تاني في حياتك ليه
إدريس ببرود_ مزاجي بقى
نور_ محسسني إني قاعد عالقهوة بلا مزاجك بلا بتاع احنا لسه فيها ممكن نتطلق عادي
إدريس_ ما أنا مابتجوزش عشان أطلق يعني هتفضلي مراتي لآخر يوم في عمري
نور_ بتمنى عمرك يخلص في اللحظة دي
إدريس بصلها نظرة طويلة وماردش عليها
المعازيم مشيوا بعد ساعة
راحت لهم نور بعصبية وقالت_ ممكن أفهم مين دا وإزاي توافقوا عليه وتقنعوني بيه وأنا لسه أول مرة أشوفه
والدتها_ اهدي يارب نور وقولتلك دا ابن أخويا
خالها_ بصي يا بنتي دا ابني من مراتي الأولى اللي طلقتها وهى مارضيتش تتنازل عنه وخدته لكن كنت دايما بروح أشوفه يوميا ولما كبر شوية كان بيجي عندي يومين كل أسبوع وطبعا أنت عمرك ما شوفتيه ولا كنا بنتكلم عنه كتير
نور_ طب احنا كدا مانعرفش بعض ودي أول مرة نشوف بعض وليه أصلا وافق
إدريس_ اتكلمي عن نفسك لو سمحتي مين قال ماعرفكيش على فكرة أعرف كل حاجة
