رواية أوتار القلوب غصون ووسيم (كاملة جميع الفصول) بقلم فاطمة الالفي
المحتويات
بما يحدث وصدع رنين هاتفه ليخرجه من شروده .
أجاب عاصم . ايوة انا خير
آدم. كنت محتاج اقابل حضرتك اذا امكن تحدد ميعاد اقابلك فى بيتك
عاصم باستغراب. بيتى لية خير
آدم بجديه لم اقابل حضرتك هتعرف انا اسمى آدم احمد الشاذلى
عاصم باستسلام خلاص تشرفنى بكرة الساعة 8 العنوان المهندسين شارع....
آدم بابتسامه ان شاء الله هكون موجود فى الميعاد
مع السلامة
عاصم .تشرف مع السلامة ..
.....
يتبع .
الفصل التاسع والعشرون
مر اليوم على عاصم كالدهر فالان تبين له الاختيار الخاطئ فهى تتركة الان بكل بساطة وهو الذى تمسك بها ولا يريد أن يتركها مثلما فعل شقيقها فى شقيقتة الان تخيرة بأن يترك طفلتة الصغيرة واختة الحبيبة فى هذا الوقت التى ټصارع الألم والمۏت بالبطيئ....
وصل إلى البيت وتوجة إلى غرفة شقيقتة ليتفقدها وجدها تهزر وتمرح مع احمد وزوجتة ابتسم لها
عاصم بابتسامة .السلام عليكم عاملة اية ياقلبى
احمد .وعليكم السلام
غصون بابتسامة. الحمد لله ياحبيبى
عاصم. الحمد لله ها تاكلى معايا انا جعان اوى
لهفة .دجايج والوكل يكون جاهز
عاصم بامتنان . شكرا يالهفة
نهض احمد من مجلسه .هاجى اساعدك
لهفة .لاع خليك وانا هسخن الوكل
احمد بابتسامة لحق بزوجته . ودى تيجى لازمن اساعدك يا بنت العم
غصون. هههههه
عاصم بتسأل . عاملة اية بجد حاسة باى ۏجع
غصون بابتسامة. لا والله كويسة
عاصم. الصبح ان شاء الله هنعمل اول جلسة عاوزك تكونى مستعدة هو هيكون تعب عليكى فى الاول بس انا هكون موجود جنبك مش تخافى ولا تفكرى فى أى حاجة ماشى ياقلبى
غصون بابتسامة. حاضر ياعصومى
عاصم بابتسامة .ربنا يخليلى الضحكة الحلوة إللى منورة حياتنا
احمد .اية قطعت عليكم لحظة رومانسية ولا اية تعالو نتعشا بقى
عاصم بحنيه هتقدرى تاكلى معانا على السفرة ولا ناكل هنا معاكي
غصون بضيق . ايوة انا مش بحب قعدة السرير
احمد بخفه .طب بسرعة عشان هخلص الاكل
ذهب الجميع إلى مائده الطعام وبدءو فى تناول الطعام بدون أى شهية
غصون بتعب. انا شبعت هدخل انام تصبحو على خير اقتربت من عاصم لتقبله وفعلت المثل مع أحمد ولهفة أيضا ودلفت لغرفتها لكي تنام ..
تركهم عاصم ليرتاح قليلا فاليوم كان عصيب بالنسبة إليه وذهب فى سبات عميق..
تنهد احمد بحزن ونظر الى زوجته لهفة ممكن نبات هنا فى اوضتى
لهفة بابتسامه .طبعا هنفضل اهنية مش ينفع نجعد فى مكان وغصون تعبانة اكدية .
احمد بحب نهض من مقعده وحاوط زوجته بكتفه وهو يسير بها إلى حيث غرفته ربنا يخليك ليا يا لهفتي وتفضلى فى ضهرى كدة دايما يارب
لهفة .ربنا يشفيها يارب وينجيها جادر يا كريم
احمد. يارب انت إللى عالم يارب ...
قرر البعد وطلب اجازة من الجامعة ووافق عليها عميد الكلية وتحدث مع صديقة انه سوف يسافر إلى الساحل للعمل على المشروع ويريد البعد
رحب صديقة بالفكرة لعلى يستريح...
فى شقة وسيم
احضر حقيبه ملابسة وودع والدتة وشقيقتة..
كاملة بحزن . خلاص قررت تبعد عننا
وسيم .شغلى ومشروعى يا ست الكل كدة احسن
يمن پحده انت بتهرب لية عاوزة اعرف طب احنا ماتفكر فينا
وسيم بضيق .. انا محتاج اغير جو وابعد يايمن كدة هرتاح انا هنا مخڼوق مش قادر وخلاص خدت قرارى النهائى وقت لم تحتجولى هكون عندكم
كاملة .ربنا يوفقك يابنى هقول اية
وسيم .ربنا يخليك ليا ياست الكل ادعيلى بس مش عاوز غير دعاكى
ونظر إلى شقيقته وانتى هبق انزل على فرحك
يمن بتنهيده حزن .مش باين
وسيم پصدمة. لية بتقولى كدة
كاملة باسي مش هتعوضى عاصم
يمن بانفعال .كل حاجة عندة غصون مش فى حياتة غير اختة وبس خليها تنفعة بقى أنا ماليش وجود فى حياته مابيفكرش فيه ولا فى مستقبلنا مع بعض
وسيم باستغراب .مش انت قولتى بتحبى عاصم وهتفضلى معاة اية اتغير دلوقتى بلاش تضيعى حياتك وترجعى تندمى زى اخوكى بقول ياريت الزمن يرجع بيا كنت عوضت غصون عن كل إللى حصل بس يا خسارة إللى فات مابيرجعش تانى
يمن ببرود .هو إللى اختار
كانت تشعر بالحزن على أبنائها وصرحت بابنتها . انتى مچنونة انتى فعلا سبتى عاصم وخيرتية بينك وبين اختة
وسيم بصدق لو اتخلى عن اختة هيجى يوم يتخلى عنك وبعدين لو عاصم خيرك بينى وبينة انتى هتختارى اية حطى نفسك فى نفس الموقف وهو ماطلبش كدة هو طلب يبعد عنى ودة حقة لكن مش طلب يبعدك عنى انتى هتعملى زى وتندمى ارجعى صالحى جوزك
كاملة بحزن اسمعى كلام اخوكى عشان مش تندمى زيه
يمن بتهرب .خلاص بقى سبونى فى حالى
دلفت لغرفتها تبكي پقهر ..
وسيم اشوف وشكم بخير
كاملة. فى رعاية الله ياحبيبى خلى بالك من نفسك وابق طمنى عليك
وسيم بابتسامة. حاضر ياحببتى....
ظل يفكر فى لقاء محبوبتة ويحاول أن يستجمع قواة وعن ماذا يتحدث معها فسوف يراها فى بيتها وبدون أى حواجز إلى أن غلبة النوم ...
مع شروق الشمس تعلن عن بداية يوم جديد يوم متعب ومرهق على البعض ومفرح ومبهج على الاخر ....
صلت فرضها ودعت ربها ان يمر اليوم بسلام وانتظرت قدوم شقيقها الأكبر
دلف إليها وجدها مستعدة الذهاب معة وعلى وجهها اجمل ابتسامة فى الصباح
قبلها عاصم بابتسامة وامسك بيدها للذهاب إلى المشفى لعمل اول جلسة علاج...
ودعت شقيقها الأصغر و لكن اصر على أن يتواجد معها ولا تستطيع الفرار منة ودعت لهفة وذهبت مع اشقائها.....
بعد فترة وصلت المشفى
وذهبت إلى غرفة منعزلة لعمل جلسات الكيماوى..
وتسطحت على الفراش وبجانبها الدكتور فؤاد
فؤاد بابتسامه عاملة اية يا غصون
غصون الحمدلله
فؤاد .جاهزة
هزت راسها بالايجاب ان شاء الله
بدء دكتور فؤاد بوضع كانا فى وريدها
وجهز المحلول المطلوب والأدوية التى سوف يضعها بالمحلول..
تحدث عاصم بحزن .غصون حببتى هو اول ماالمحلول يمشى فى الوريد هتحسى بالم جامد امسكي ايدى ماشى وانا جنبك ماتخفيش
احمد بدموع .وانا كمان جنبك اوعى تخافى احنا هنقسم الألم على تلاتة
ابتسمت باطمئنان لشقيقيها ربنا يخليكم ليا
غرز الطبيب المحلول داخل تريدها وهى تتحدث مع اشقائها لكى تنسى الألم...
وعندما شعرت بوخز يسري بيدها تمسكت بقوه بيد عاصم وباليد الآخرى احمد ولم تصرخ مثل ماتوقعو ..
اغمضت عينها بالم شديد وهى متشبثه بقوه باشقائها والدموع تتساقط من عينيها المغلقة والعرق يتسرب من جبينها..
مسح لها عاصم دموعها وحبات العرق المتساقطة...
واغلق الاضاءة وتركها لتنام...
شعر بالحزن عليها فهذة اول جلسة وشعرت بمعاناة يريد أن يخفف عنها وماذا بوسعة ان يفعل ليس بيدة أى شئ..
جلس مع شقيقة واخبرة ان يذهب إلى شقتة ويأخذ زوجتة وهو الذى يهتم بشقيقتة لا يريد أن أحد غريب يرى مرضها ولحظات ضعفها غيرهم فقط .
احمد .انت بتقول اية انا ومراتى مش هنسيب البيت طول ماغصون تعبانة وبعدين لهفة بنت عمها وطيبة جدا وهى طلبت منى ماقلقش على غصون وهى هتاخد بالها منها صدقنى لهفة بتحب غصون ومعتبراها اختها بجد .
عاصم بتنهيدة .ياريت تكون صادقة مش تخيرك بعد كام يوم بينها وبين اختك
احمد مش فاهم لية بتقول كدة
عاصم.
احمد انت هتخبى علية ياعاصم دة انا توامك يابنى قولى فى اية غير تعب غصون
عاصم. يمن تصور بتخيرنى بينها وبين غصون وحصل .........
..........
احمد پصدمة معقول قالتك كدة .
عاصم .ايوة وهى إللى اختارت بنفسها تنهى حياتنا قبل ما تبدأ
احمد بحزن .طب اديها فرصة تانية عشان خاطرى .
عاصم .خلاص يا احمد ماينفعش فرص تانية ولا تالتة هى اختارت خلاص النهاية وهكلم جدى واعرفة رغبتها انها مش هتكمل معايا
احمد بحزن .مش عارف اقولك اية
عاصم. انا هنام صحينى قبل 8 عشان فى ضيف جاى على 8
احمد .مين الضيف دة
عاصم .لم اشوفة هعرف هو اتصل علية وطلب يقابلنى فى البيت يمكن عايز اعمل عملية لحد مش عارف والله انا مرهق جدا وداخل انام
احمد .طيب هصحيك على 7 اوكية.
عاصم .ماشى بس لو غصون فاقت او احتاجت حاجة صحينى فورا
احمد .ماتقلقش انا موجود ولهفة نايمة جنبها اطمن
عاصم بابتسامة .ربنا يخليهالك يا حبيبى حصل ظروف فوق إرادتنا وجى وقت الفرح حزن الحمد لله على كل حال
احمد. الحمد لله ربنا بيبعت الصبر وقت البلاء وبعدين وجودى هنا مصلحة ههههه بينى وبينك لهفة لسة صغيرة وخاېف عليها وانا وعدتها مايحصلش حاجة دلوقتى عشان تكون خدت عليا وكمان تكون كبرت بردو هههه ولا اية رايك
عاصم بابتسامة. هو دة اخويا إللى ربيته ربنا يباركلك ياحبيبى ويسعدكم يارب غيرك ماصنش وماحترمش لا صغر ولا صلة ډم ولا أى حاجة
احمد. ربنا هيعوضها خير انا واثق ان ربنا بعتلها التعب الوقت دة عشان تنسى ۏجع القلب وكسرتة واكيد بعد التعب ربنا هيشفيها وهيبعتلها فرحة تعوضها عن أى الم عشتة ولا حستة هو ربنا كريم دايما بعبادة وانا متفائل خير
عاصم. فعلا ربنا موجود الحمد لله ..
بعد عدة ساعات ارتدى آدم بدلة من اللون الكحلى وقميص ابيض ورفع شعره واستقل سيارته متوجه الى منزل دكتور عاصم سليم...
وبعد
نصف ساعة كان أمام البنايه صف سيارته وصعد حيث الشقه المطلوبه ودق الجرس وانتظر ..
فتح له احمد ورحب به وجلس بالصالون.
احمد اهلا وسهلا انا احمد سليم اخو عاصم.
آدم. اهلا وسهلا تشرفت بمعرفتك يا دكتور
احمد اتفضل استريح عاصم ثوانى وجاى
حضر عاصم وصافحه بترحاب
السلام عليكم
آدم .وعليكم السلام ازيك يادكتور انا ادم الشاذلى
عاصم. اهلا وسهلا اتفضل
احمد .تشرب اية يا استاذ آدم
آدم .ممكن قهوة مظبوط
احمد .وانت ياعاصم .
عاصم .محتاج فعلا قهوة
احمد. حاضر
توجة احمد إلى زوجتة وطلب منها إعداد ثلاث فناجين من القهوة ..
وبعد لحظات اعدت لهفة القهوة واخذها احمد وقدمها إلى الضيف وشقيقه
آدم. طبعا حضرتك مستغرب زيارتى انا هعرفكم على نفسى الاول اسمى آدم احمد الشاذلى 25 سنة فى نهائى تجارة إدارة أعمال من اسكندرية ومسكت شركة والدى هنا فى القاهرة وبحاول اثبت نفسى واكون جدير بثقة والدى واتابع الشغل بدالة وانا جاى بطلب ايد اختكم غصون
احمد ينظر پصدمة إلى عاصم ..
.....
يتبع
الفصل الثلاثون
عاصم پصدمة .تطلب ايد غصون انت تعرفها منين
آدم بصدق بصراحة شوفتها فى الجامعة فى اسكندرية انا لسة بدرس وهتخرج كمان شهرين ان شاء
الله
احمد بجديه .بس واضح يعنى انك بتعدى السنة سنتين
آدم بابتسامة . لا والله انا اجليت سنة ومادخلتش الامتحان وبصراحة هى رابعة إللى دى تانى سنة فيها بس انا خلاص هتخرج باذن الله وانا تحت امركم فى أى سوال او استفسار
عاصم بتسأل اشمعنا غصون
آدم بابتسامه عشان اول لم شوفتها فى الكلية لفتت نظرى باخلاقها وادبها وعمرى ماشوفتها واقفه مع شاب واعجبت بيها يمكن من اول يوم دخلت فية الجامعة وماخبيش عليك حاولت اكلمها بس هى ونعم التربية كانت بتصدنى بكل زوق واحترام ودة خلانى احبها كمان ونفسى تكون من نصيبى واتمنى من ربنا اقدر اسعدها
عاصم بتنهيده بس انت ماتعرفش ان غصون دلوقتى تبق مطلقة
آدم بثقه لا انا عارف من همسة
احمد پصدمه .كمان تعرف همسة
آدم بتردد بصراحة اخدت رقم دكتور عاصم من همسة وانا قولتلها اكتر من مرة انى عاوز اتقدم وهى عرفتنى عن جوازها وبصراحة اڼصدمت صدمة عمرى وهمسة عرفتنى ان جواز عشان جدكم وبسبب القرابة حاولت اصبر وبعد فترة عرفت خبر طلاقها فرحت جدا وحسيت انها نصيبى وماينفعش اتاخر اكتر من كدة وعرفت اهلى وهم مرحبين بانى اتجوز غصون وموافقين على اختيارى
عاصم بجديه . كلامك كلة تمام وانا سعيد بيك انك بتقول الحقيقة من غير تجميل ولا تزويق بس اهلك عندهم علم ان غصون مطلقة وموافقين ان ابنهم الوحيد يتجوز مطلقة
آدم بقلق لا مايعرفوش بس دى حياتى ودى حاجة تخصنى وحدى مش تخص اهلى انا إللى هتجوز واعيش مع مراتى .
عاصم بجديه . معاك انها حياتك انت وساعدتك انت بس ماحبش اختى تعيش جوة عيلة مش مرحب بيها لازم الكل يوافق عليها لازم والدك ووالدتك يعرفو واذا قبلو باختى فى عيلتكم و هتكون واحدة منكم انا ساعتها هوافق وارحب بيك لكن لو رفضو يبق انت لا جيت ولا شوفناك ومش هعرف اختى بالمقابلة دى عشان مش تنجرح ولا تزعل انها مرفوضة بسبب طلاقها إللى مالهاش أى ذنب فيه .
نظر له آدم وتحدث بثقه انا اوعدك انى هجيب اهلى ويتطلبو ايد غصون بنفسهم انا راجل وقد كلمتى بس ممكن اتكلم مع غصون
عاصم برفض اسف مش هينفع انا قولت لو جيت مرة تانية اوعدك تقعد معاها ساعتها هحس انك قد كلمتك ونتكلم بجد فى كل التفاصيل لو اهلك رحبو باختى وسطهم انا لا يمكن اقبل انك تخبى وتخدع اهلك واختى تنجرح بعدين لم يعرفو الحقيقة انا لا يمكن اقبل ان اختى تعيش اى چرح او كسر تانى مش هقبل لمخلوق ان يكسرها .
آدم بأمل اوعدك ان هسافر واعرفهم حقيقة غصون وهتصل بيك احدد ميعاد اهلى يجو معايا يطلبو غصون .
عاصم بابتسامه .وانا هرحب بيك وبعيلتك فى أى وقت
نهض آدم من مجلسه انا هستاذن وان شاء الله على تليفون
وقف عاصم ليصافحه .تشرف فى أى وقت
سار احمد جانبه ليودعه عند باب الشقه شرفتنا ونورتنا
آدم وهو يصافحه الشرف ليا والله انا سعيد بمعرفتكم
عاصم بمجامله. احنا اسعد مع السلامة
......................
بعد مغادرة ادم تحدث احمد مع شقيقه بامر شقيقته
احمد .عاصم لية مش عرفتة تعب غصون
عاصم بحزن . ماينفعش اقولة اختى مريضة افرض ماجاش تانى يبق ساعتها عرف بمرض اختى لا طبعا مش من حق حد يعرف حاجة زى دى
احمد باستغراب طيب ولو جاب اهلة وجم بجد يطلبو غصون
عاصم بأمل هكون سعيد ان آدم طلع راجل وقد كلمته واقنع اهلة يوافقو بغصون رغم لقب مطلقة ومش اهتم بفلوسة ولا ثروتة طبعا عارف مين هو احمد الشاذلى اسم مشهور فى عالم رجال الأعمال واكيد آدم مش هيكون بيهتم بغنى او فقر هو اختار اختى عشان اخلاقها وتربيتها ودة مش هيغير حاجة ممكن حد تانى يفكر فى واحدة مش مطلقة وعندها مال وجمال وكل حاجة بس مافيش الأخلاق والتربية الا عند غصون وهتاكد أن اهلة تربيتهم ليه صح وكمان هيوافقو بغصون عشان هم مش مهم عندهم انها غنية أو فقيرة المهم سعادة ابنهم يعنى ناس مش بتفكر بالحساب البنكى ولا بالعربية الماركة دى ناس بتفكر بحب وسعادة ابنهم وساعتها لو دة حصل انا هكون سعيد بية ان عرفت اختار راجل بجد يستاهل اختى وغصون بنفسها هى
احمد بتأيد لحديث شقيقه معاك حق
نهض عاصم. هدخل اطمن على غصون ادخل شوف لهفة عندها عاوز انام فى حضڼ اختي وانت خد مراتك ونام بعيد عنى
ابتسم احمد على حديثه طيب ياخويا
دلف احمد لغرفة شقيقته ليطمئن عليها ويصطحب زوجته للخارج لكي يدلف عاصم .لهفة تعالى نطلع عاصم هيجى ينام جنب غصون .
نهضت لهفة من أعلى الفراش ودثرتها جيدا بالغطاء ثم سارت بجانب زوجها
. هو الضيف مشى
هز رأسه بالموافقه . ايوة
لهفة بتسال مش هتتعشو
حبيبتي
لهفه بحزن واني زيك مافيش نفس
جلس احمد فى الصالون بجانب زوجتة وبعد فترة نام مثل الطفل الصغير وهو يضع رأسه أعلى قدميها وظلت هى تمسد على شعره بحنان إلى أن غفل مكانه .
ذهب عاصم وتفقد حالة غصون وجد حرارتها مستقره تسطح جانبها اعلى الفراش وضمھا إلى صدرة وتحسس ملمس شعرها وتفاجا بخصلة من شعرها الطويل الأسود الحريرى فى يدة حزن عليها وحاول اخفائها لكى لا تحزن على فقدان شعرها واغمض عيناة يحاول ان يهرب من الواقع المرير بالنوم.....
وصل الساحل وبدأ يعمل على المشروع ويشغل كل وقتة بين العمال والمهندسين والإشراف على قيام القرية السياحية بالساحل ويحاول أن يبعد التفكير فيها فقد عذبها بما يكفى والان يحاول ان يلهى نفسة بالعمل ولا يفكر بها مطلقا.....
تحدث آدم مع همسة وقصى عليها كل شئ حدث فى المقابلة بين اخوات غصون وطلب منها عدم ابلاغ غصون بزيارتة لكى يفاجاءها باهلة ويكون قد وعدة ....
وقرر نزول اسكندرية فى اليوم التالى ليتحدث مع عائلتة واقناعهم بغصون .
يعلم أن والدة لا يعترض ولكن الاعتراض سياتى من والدتة يحاول يجمع افكارة لتقتنع بغصون زوجتة المستقبلية ولا يقبل بغيرها..وبعد طول تفكير نام بابتسامة سعيدة انه يحاول ان يجتمع بغصون فى الحلال وان الاوان ان تصبح زوجتة فهو صبر كثيرا ....
فى اليوم التالى
بعد أن أطمئن على تحسن حالة غصون ذهب ليتابع عملة بالمشفى وترك احمد معها لانة اجازة أسبوعين بسبب زواجة....
ظل يطلق النكت المضحكة ليخفف عن صغيرتة ويخلق جو المرح المعتاد منة وعلمت لهفة انه حنون جدا على شقيقتة وفرحت بة وتقربت آلية علمت بداخلة طفل صغير لا يشعر بطفولتة إللى وهو مع شقيقتة الصغرى فسعدت جدا بعلاقتهم وتمنت أن علاقتها باخويها سليم وسلمان ان تكون مثل علاقة عاصم وأحمد بغصون وبعد فترة حمدت ربها فهى عندها الأب والأم والزوج الحنون العاشق لها وتتمتع بصحتها ولكن غصون حرمت من الاب والام والزوج تخلى عنها وفقدت صحتها واصيبت بمرض الهلاك الذى لا ينجى منة إللى القليل ولكن عوضها الله تعالى باشقاء يدعموها ويحبوها بلا يعشقوها حقا فهم الأب والأم والاخوة والسند والدعم لها فى الحياة وحمدت ربها كثيرا
الحمد لله حتى يبلغ الحمد منتهاه
بعد ساعتين وصل إلى عروس البحر الأبيض المتوسط...
ذهب إلى بيتة وتقابل مع والدة الذى وصل الان من عملة وجلس بصحبة اهلة وبدأ يقصى عليهم المقابلة التى دارت بين شقيق غصون وكل ماحدث من كلام وحوار إلى أن أخبرهم بخبرطلاقها الذى كان قنبلة وانفحرت فى وجة والدتة..
ماجدة .نعم مطلقة بقى تسيب بنت خالتك إللى زى القمر مال وجمال وحسب ونسب وبنت بنوت وتروح عاوز تتجوز مطلقة واحد غيرك لمسها وعاشت معاة انت اكيد اټجننت انا لم قولت تختار شريكة حياتك كنت فاكرة مختار بنت وقولت خلاص ربنا يسعدة لكن عاوز تجننى وتتجوز مطلقة لية يابنى حرام عليك انت لسةفى عز شبابك تعمل فى نفسك كدة لية اتكلم يااحمد عقل ابنك
احمد .انا قولت انا موافق على اختيارة أى كانت بنت بقى مطلقة ارملة هو اختار نصيبة وبيحبها
آدم. لحظة بس انتو فهمتو غلط انالسة ماخلصتش كلامى غصون فعلا مطلقة بس مكتوب كتابها بس وبعد أسبوع حصل خلاف هو كان ابن عمها وجواز ڠصب اهلها فى الصعيد اصرو يجوزهم من بعض وهم اصلا ماكنوش يعرفو بعض وهى كانت عايشة هنا فى اسكندريةوابن عمها عايش فى القاهرة وبس ماحصلش تفاهم وسابو بعض بعد لم الجد ادهم حقهم فى ميراث ابوهم دة كان الشرط وخلاص الموضوع انفض
ماجدة .بردوة اسمها مطلقة
احمد .ماهو قالك بنت عايزة اية تانى
آدم. ماما لو حضرتك ماوافقتيش على غصون انا مش هتجوز غيرها ارجوكى خلى ابنك يكون راجل وقد كلمتة كفايا ان شرط عاصم انكم تعرفو وتقبلو باختة وسطيكم ارجوكى بلاش تكسرى قلبى وغصون هى فرحة قلبى
احمد احنا معاك يابنى وهتبق راجل قدام اخوتها وحدد ميعاد ننزل نخطبها رسمى كمان مش كدة يا ماجدة
آدم بتوسل. وحياتى عندك يا ميجو ياقمرى
ماجدة بابتسامة .ماقدرش اكسر قلبك يا حبيبى بس هتعيش معايا هنا انا ماليش غيرك وعايزة تملى الفيلا احفاد دة شرطى
آدم وقبل والدة وشكرة على وقفة جانبة
آدم بغمزة .هكلم عاصم حالا
ماجدة .شوف الواد مستعجل ازى
احمد .ههههههه خلية يفرح ويفرحنا معاة
.........
صعدآدم إلى غرفتة بكل نشاط وخفة وهو يشعر بالسعادة والنصر ان عائلتة تقبلت غصون وضغط على أرقام شقيقها عاصم
وجاء الرد بعد ثوانى
عاصم .الو
آدم بفرحة. الو انا ادم يادكتور
عاصم .ازيك ياادم
آدم. الحمدلله بخير انا وصلت اسكندرية واتكلمت مع بابا وماما وهم موافقين وماحدش اعترض خالص تحب نشرفكم امتة حدد الميعاد إللى يناسب حضرتك
عاصم بضحكة خفيفة. بالسرعة دى انت مستعجل بقى .
آدم بفرحة. والله حابب اثبت لحضرتك انى جد وراجل يعتمد علية وتسلمنى اختك وانت مطمن
عاصم. خلاص يا ادم تشرفونا كمان 4 أيام هيكون يوم الخميس عشان عندى الجمعة اجازة نسهر براحتنا وفى نفس الميعاد منتظرينكم
آدم. ان شاء الله هنكون فى الميعاد بالثانية
عاصم .مرحب بيكم
آدم ماشى يا دكتور مع السلامة
عاصم .مع السلامة ..
الفصل الحادى والثلاثون
فى غرفة غصون
عاصم. لسة صاحية
غصون .هههههه هو انا بطلت نوم
احمد .هههه المهم تبق كويس ياغصنى
غصون .هو انا ينفع انزل الجامعة كدة هيفوتنى كتير
عاصم .لا طبعا ماينفعش تتعرضى للهواء والجو مش
تمام وبعدين عشان أى عدوة مش تدخل جسمك انتى ماعندكيش مناعة تهاجم معلش ياحببتى كلمى صحبتك تجهزلك المحاضرات إللى فاتتك وانا هعدى عليها اجبهملك
غصون .حاضر بكرة ابق اكلم روان
لهفة .اية رايك عاد اعملك رز بلبن يستاهل خاشمك
غصون .مابحبوش
احمد .ههههه هى بتحب كورن فليكس ههههه
غصون .لا كبرت علية بقى
عاصم .مين قال كبرتى دى طب هنزل اشترية واكل معاكى عشان ماتقوليش كبرت دى تانى
غصون بابتسامة. بجد ههههه
احمد .دى هتبق مسخرة السنين يا دوك ههههه
عاصم .انا نازل السوبر ماركت ولو محتاجين حاجة كلمونى
احضر كافة شئ من السوبر ماركت كل ماتحبة شقيقتة جلبة لها ..
وبعد نصف ساعة دخل المنزل ومعة اشياء كثيرا ...
احمد .ايوةة اية كل دة اشتريت السوبر ماركت ولا اية .
عاصم .خفة ياض هههه
عاصم .دى حاجات المطبخ يالهفة
ودى مكسرات عشان غصون بتحبها والكورن فليكس انا هعملة بنفسى وايس كريم من توتة طعمة يجنن زى بتاع
احمد. بس كدة من عنية
وبعد دقايق جلس الجميع أمام التلفاز يشاهدو فيلم كوميدى ويوجد التسالى
عاصم .كلى لوز كويس ياغصون عشان بيقوى المناعة
غصون .حاضر يا ابية تسلم ايدك
وبعد ساعتين كان الجميع فى سبات عميق..
حملها عاصم وادخلها غرفتها ودسرها بالفراش جيدا وترك الغرفة..
وجد احمد ينتظرة بالخارج
عاصم. فى حاجة يااحمد
احمد .هو آدم كلمك
عاصم بابتسامة .أيوة وحددت ميعاد يوم الخميس يكون هنا
احمد بابتسامة. بجد طب ماقولتش لية
عاصم. وهقول ازى وانا عاوزها تكون مفاجأة لغصون
احمد. طب لية ماتعرفها
عاصم. لا يومها هنقولها فى ضيوف وبس وهى تتفاجا بيهم
احمد. زى ماتحب طب هتعرف جدك وعمك
عاصم .بكرة دلوقتى الوقت اتاخر تصبح على خير...
تحدثت غصون مع روان وطلبت منها ان تعطى شقيقها جميع مافاتها من محاضرات واخبرتها انها تعبانة لا تستطيع الذهاب إلى الجامعة الان ولكن اخفت حقيقة مرضها وعلمت من صديقتها ان وسيم فى اجازة ودكتور آخر يدرس لهم ولم تهتم غصون بالامر وأغلقت معها الهاتف ....
أخبرت عاصم بمكان روان بالكافية وطلبت منة الذهاب اليها لجلب المحاضرات ووافق ..
قرر الذهاب إلى الجامعة وبحث بعينة عن وجود روان ولمحها تجلس مع شبان توحة إليهم..
عاصم .سلام عليكم
الجميع. وعليكم السلام .
عاصم. انسة روان مش كدة
روان .ايوة انا حضرتك دكتور عاصم اخو غصون
عاصم. أيوة ممكن المحاضرات
روان .اتفضل دة كل حاجة فاتتها انا صورتها بس سلملى عليها اوى
عاصم .اكيد طبعا وشكرا على تعبك
روان .العفو غصون زى اختى وربنا يشفيها وترجع الجامعة بالسلامة
عاصم .ان شاء الله عن اذنكم
يوسف. ماتتفضل تشرب حاجة
عاصم. شكرا مستعجل عن اذنكم
يوسف .تلاقية حابسها فى البيت ولا تعبانة ولا حاجة
حازم انت مالك
روان .لا صوتها كان فعلا تعبان واضح من صوتها
يوسف .طب واجب نتطمن عليها ولا اية
حازم. اية هههه.
روان .يوسف خليك فى حالك ورقمها بعينك مش هتاخدة
يوسف .مش مريضة زيارة المړيض صدقة بردو ناخد ثواب طيب
حازم هههه صاحب واجب اوى ههههه
يوسف .اومال تنكر ههههه..
بعد فترة كانت تجلس فى غرفتها تمشط شعرها الطويل الأسود وتفاجت بسقوطة واحست بالألم فالان بدأت اعراض المړض تظهر عليها وتفقد شعرها الطويل التى ظلت تحافظ على طولة فهى تحبة طويل ولا تقصر منة فكرت وجدت انها سوف تتخلى عن طولة لأجل لاتحزن علية مرة واحدة وجلبت المقص ولاول مرة تقص فى شعرها إلى أن وصل يغطى رقبتها فقط فغير من ملامح شكلها ولكن نظرت لنفسها بالمرأة برضا وحمدت الله على كل ماتوصلت آلية..
جاءها اتصال من جدها حسين استغربت الأمر
غصون .الو ازيك ياجدى واحشتنى
الجد .اتوحشتك ياجلب جدك كيفك وكيف خواتك ومرت خيك كلهاتكم زين
غصون .الحمد لله ياجدى كلنا بخير
الجد .بجولك اية ماتيجى اهنية تجضى حدانا سبوع نفسى اشوفك واتحدت امعاكى يابتى
غصون .حاضر ياجدى هقول لاخواتى
الجد .لاع تجعدى لحالك سيبى خواتك لاشغالهم ومصالحهم يابتى انا عاوزك انتى فى موضوع مهم لازمن اشوفك
غصون بقلق .خير ياجدى
الجد .كل خير يابتى بس بلاش تجولى لعاصم انى جولتلك تيجى جوليلو انى اتوحشتك وتيجى تجعدى عندى كام يوم اكدية
غصون .حاضر ياجدى
الجد .يركبك الجطر وخلى واد عمك سليم يستجبلك فى المحطة بس حدتينى وجتيها
غصون بقلق .حاضر ياجدى
الجد. فى رعاية الله يابتى
تفاجأ الجميع بمظهر غصون بشعرها القصير
عاصم. زى القمر اول مرة اشوفك بنيولوك جديد
احمد .اى حاجة عليكى حلوة
غصون بابتسامة الم .تغير
عاصم .ان شاء الله هيرجع زى الاول واحسن بعد العلاج مش تقلقى
غصون .الحمدلله على كل حال
عاوزة اقولك حاجة وخاېفة
عاصم بقلق .خير خاېفة من اية .
غصون .جدو كلمنى وقالى اقولك اروح اقعد عندهم كام يوم وخاېفة من كلام جدو بيقولى ماتعرفش عاصم انى كلمتك يعنى اكدب عليك واقولك انى عاوزة اروح هناك
عاصم بقلق .بقى جدك قالك كدة ماتخفيش ياحببتى يمكن وحشتية ماتشغليش بالك
غصون . خاېفة جدو يكون عاوز يرجعنى لوسيم او يجوزنى حد تانى هو لية عاوزنى وقالى ماقولكش انا خاېفة
عاصم بحزن .هش بس خاېفة من اية جدك لا يمكن يعملك حاجة ماتخفيش انا معاكى وهكلم جدى اعرف اية الحكاية
غصون بدموع. بس كدة هيزعل منى انى قولتلك
احمد .ههههههه يابت كبرى ههه
عاصم .هو جدى بيخطط لاية بالظبط
احمد .خلاص كلمه واعرف فى اية وعاوز غصون لية ولازم يعرف كمان ان غصون مش بتكدب ولا بتخبى علينا حاجة
عاصم. صح هكلمه دلوقتى
احمد. كلمة قدمنا
عاصم. لا فى اوضتى
اغلق غرفته وتحدث مع جدة
عاصم .جدى حبيبى ازيك
حسين .بخير ياولدى كيفك انت
عاصم .الحمد لله بس عاوز اعرف حضرتك عاوز غصون لية خير
حسين .هى جالتلك ياولدى عشان مصلحطك
عاصم. وحضرتك عاوز اختى تخبى علية وتكدب دى تربيتى يا جدى وهى خاېفة من حضرتك وعشان كدة عرفتنى خاېفة ترجعها لابن عمها تانى
حسين. بوص يا ولدى بت عمك اتكلمت معايا عن موضوعكم والموضوع متعجد وخلاص جولنا غصون واطلجت وكل حى راح لحالةلكن تخرب على نفسك وعلى بت عمك عشان اية خيتك لازمن تجدر ظروفك وتتجوز وتأسس حياتك انت وتفكر فى حالك خيتك كبرت ومسيرها تتجوز هى كمان وبلاش تجعد معاك خليها مع ايحمد والدار جنب الدار عشان حياتكم تمشى ياولدى
عاصم بعصبية .بس ياجدى كفايا انا سمعت حضرتك الاخر بس تقولى ابعد عن اختى زى المچنونة بنت عمى دى مش هقبل حد يدخل بينى وبين اخواتى وانا حر دى بتخيرنى بينها وبين اختى وانا مش هبيع اختى ولا اتخلى عنها عشان خاطر بنت عمى اللى لسة متعرف عليها من شهر هى اصلا مش تلزمنى هى أنانية وتفكيرها زى اخوها إللى بعد مااتنفقنا على الطلاق جى البيت عندى ومع ذلك سكت لكن خلاص ماعدتش فيها سكات اختى بټموت عارف يعنى اية بټموت وانت بتسمع لست يمن وعاوز تفرقنى عن اختى كنت فين من ساعة ماابويا ماټ وسابلى اخواتى وانا إللى ربتهم غصون دى بنتى ومش هتبعد عنى غير لم اسلمها بنفسى للراجل إللى يستحقها ويستهالها بقى الست هانم بتشتكى ومش مكسوفة وحضرتك ياجدى موافق عادى انا ماقبلش تكون دى مراتى ولا تحمل اسمى إللى عايزانى اتخل عن اختى مش فكرت هيجى يوم واتخلى عنها انا مش هكمل معاها وهى إللى اختارت بنفسها وابعدو عن اختى بقى سبوها باللى هى فيه مع السلامة يا جدى..
كانت صدمة على وجة غصون ولهفة وأحمد الذين استمعو. لصړاخ عاصم. وهو يحدث جده.
أسرعت وتوجهت إلى غرفتها وأغلقت الباب خلفها
صړخ احمد باسمها
وسمع الصړاخ عاصم وأسرع إلى غرفة شقيقتهم التى اڼهارت عندما علمت انها سبب فى فراق شقيقها عن زوجتة وسوف يطلقها وهى السبب وعلمت ان شقيقها علم وسيم عليها ولكن هى لم تقص شيئا إلى أحد غير صديقتها فعلم من أين..
يتبع
الفصل الثانى والثلاثون
فى غرفتها
ظل ېصرخ باسمها .. غصون افتحى الباب
سمع عاصم وانتبه لهم ان صوتة كان عالى وبالتأكيد سمعو الحديث الذى دار بينة هو وجدة اسرع وتوجه إلى غرفتها وقف أمام غرفتها.
عاصم بقلق .غصون افتحى يا حبيبتى انتى مالكيش ذنب فى حاجة عشان خاطرى افتحى انا عرفت إللى حصل لم كانت همسة هنا كنت متكتف
متابعة القراءة
