رواية أحببت منقذي(كاملة جميع الفصول)بقلم يارا إبراهيم
البارت الاول
علي البحر كانت قاعده بنت منقبة بتشاهد غروب الشمس كالعادة وهيا بتبص للسما كانت بتفكر في الحادثة اللي غيرت حياتها 180درجه من تلت شهور عملت حادثة والغريب انها نسيت أخر سنة من حياتها كأنها مش عاشتها قبل كدا قاطع تفكرها صوت بيقول
الصوت مدام جوري يلا علشان نروح
جوري بضيق أستاذ مهاب شايف دبله في ايدي
مهاب بإستغراب لأ
جوري طيب شايفني ماشيه بطني قدامي مترين
مهاب لأ بردو
جوري امال ايه مدام اللي ماسك فيها دي
مهاب ببرود العتب علي الذاكرة
جوري مش عايزه اروح دلوقتي
مهاب الباشا رن وقال نرجع
جوري بضيق في نفسها يارب هلاقيها من بابا ولا من الزفت اللي واقفي ولا الحيطان اللي واقفه ساده الهواء عليا
جوري حاضر يلا
استووووب
جوري المحمدي
بنت منقبة عندها 23سنة في أخر سنه في كليه الهندسة جوري بنت جميله جدا بشرتها حنطيه مياله للبياض عندها غمازه في خدها الشمال وعيونها بني غامق
مهاب بص للحراس اللي واقفين ورا جوري وعاملين دايره حوليها وقال
مهاب لفوا علشان الهانم تعدل نقابها
جوري في سرها بيتحكم فيا كأنه جوزي يارب الصبر علشان مش اتهبل
مهاب آنسة جوري كفاية برطمة ويلا
جوري بصتله بضيق وركبت العربية
وقفت عربية جوري قدام قصر كبير باللون الابيض وشكله يجنن نزلت جوري من العربيه ودخلت القصر ونزل الحراس وراها فضلت تمشي شويه لحد ما وصلت قدام الباب الداخلي للقصر وبعدين لفت وقالت
جوري حضراتكم هتخشوا معايا
رد واحد من العشر حراس من غير ما يرفع راسه وقال
الحارس لأ يا هانم احنا بنفذ التعليمات
ردت
جوري تمام أسفه إني اتكلمت معاكم بالطريقة دي بس خلاص انا دخلت القصر مش لازم تفضلوا ورايا
الحارس حاضر يا هانم
مهاب هو انا مش قايل محدش يتكلم معها
الحارس اسفين بس هيا اللي كلمتنا وماكنش ينفع مش نرد
مهاب بتتكلمي معاهم ليه
جوري افندم !
مهاب ايه مش سامعه
جوري سابته ومشيت وهيا مش طيقاه
مهاب الدمنهوري
شاب عنده 27سنه وسيم عنده عضلات عيونه زرقه في صفاء البحر
باقي صفاته هتعرفوها من خلال الروايه
جوري كانت هتدخل القصر لقت عامله جريت عليها وهي بتقلعها الكوتشي فقالت جوري وهي بتبعد
جوري في ايه يا إيمان
إيمان هقلعك الكوتشي يا هانم
جوري لا يا إيمان انا مش اتشليت انا هقلع الكوتشي بتاعي
إيمان بس يا هانم
جوري خلاص بقي روحي انت
مشيت جوري لقت مامتها بتضحك فقالت جوري
جوري السلام عليكم ورحمة الله وبركاته
الام وعليكم السلام ورحمة الله وبركاته يا حبيبتي
جوري مالك يا سوسو بتضحكي علي ايه
سعاد عليكي
جوري معاكي حق حالي يضحك
سعاد مالك يا حبيبتي مش طايقه حد ليه
جوري هسألك سؤال وجاوبي بصراحه
سعاد قولي يا اخرت صبري
جوري هو احنا بنشتغل في المافيا
سعاد انهارت من الضحك وقالت وهيا بتكح من كتر الضحك
سعاد لأ بس ليه بتقولي كده
جوري اصل اللي بابا بيعمله مش طبيعي
سعاد ليه عمل ايه
جوري قولي ماعملش ايه يا ماما ده مخلي عشر حراس ماشين دايما ورايا انا بقيت بخاف ابص جنبي او ورايا
سعاد ههههه معلش بيخاف عليكي
جوري
سعاد ههههه هموت مش قادره
جوري لا وكله كوم ومهاب ده كوم تاني انا اوقات بحسه جوزي مش حارسي الشخصي
سعاد ههههه ده طيب
جوري هو انا بقولك شرير وبعدين عرفتي منين انه طيب شوفتيه ده طول الوقت لابس الكاب و الكمامه ونظاره الشمس
سعاد هو طيب انا متأكدة
جوري بتنهيده علي العموم كلمي بابا في الموضوع لانه مش بيسمع كلامي حتي عيالك الاتنين موافقين
سعاد قومي انت غيري يلا علشان قربوا يوصلوا علشان نتعشي كلنا
جوري ماشي يا سوسو
جوري طلعت اول ما فتحت الباب قالت بخضه
جوري لا اله الا الله بتعملي ايه يا ميرفت
ميرفت بنضف يا هانم
جوري يعني علشان تنضفي يا ميرفت تجبيلي خلطه
يتبع
أحببت منقذي
يارا إبراهيم
أحببت منقذي
البارت التاني
دخلت جوري أوضتها وهيا بتقول
جوري يارب أنا هيحصلي حاجة بسبب البيت ده
غيرت جوري هدومها وبعدين دخلت تتوضي علشان تصلي المغرب طلعت جوري وبعدين لبست اسدال الصلاة وبدأت تقول دعاء استفتاح الصلاة
الدعاء
اللهم باعد بيني وبين خطاياي كما باعدت بين المشرق والمغرب اللهم نقني من خطاياي كما ينقى الثوب الأبيض من الدنس اللهم اغسلنى من خطاياي بالثلج والماء والبرد
خلصت جوري الصلاة وبعدين فجأة حست انه في ملامح شخص في ذاكرتها بس هيا مش شايفة شكله لانه مغطي وشه فقامت وهي بتقول
جوري أنا متأكدة انه السنه الأخير في حياتي فيها احداث كتير بس انا مش عارفه افتكر
وبعدين اتنهدت وقامت تلبس
تحت في المطبخ كانت قاعده سعاد وهيا بتكلم ميرفت فقالت بصدمه
سعاد عملت ده كله علشان قالها مش معايا فلوس امال لو قالها بخونك كانت هتعمل دمه عصير
ميرفت بقولك قطعته وطبخته
سعاد منك لله يا ميرفت
ميرفت ليه كده بس يا هانم طب ده انا حتي بسليكي
سعاد انت كده بتسليني امال لو هتعربيني كنتي عملتي ايه
ميرفت ياخرابي كنت قولت كتير
سعاد اسكتي بطني قلبت مش عايزة اسمع حاجه كفاية كده انهارده
ميرفت لتكوني حامل يا هانم
سعاد مسكت البصله وحطتها في وش ميرفت
ميرفت اه يا عيني اه ياني يما ياعينك اللي راحت يا ميرفت يا حسره عليكي يا ميڤو
سعاد هههههه ميڤو بتدلعي نفسك يا ميرفت
ميرفت ايه يعني مش بني ادمه ولا ايه
سعاد بخبث لا ازاي يا ميڤو بني ادمه طبعا
مسكت سعاد البصله التانيه وحطتها في ع ين ميرفت التانيه
سعاد هههههه كده العيون مساوية
ميرفت اههههه يا عينك يا ميرفت ياللي زهرة شبابك اللي راحت يا ميرفت
سعاد سابتها وهي بتضحك اول ماطلعت لقت ابنها بيجري عليها وهو بيقول
سعاد هههههه عمرك ما هتتغير يا زين
زين قمر اوي
سعاد أنت اللي قمر يا حبيبي
زين ما أنا عارف ماهو انا بقول علي نفسي
سعاد بقي كده ماشي يابني عاصم
سعاد بتبصله واول ما شافته قالت بسرعه
سعاد اله بتعيط ليه انت زعلت انا كنت بهزر
سعاد يابني رد انت عمال تعيط ليه
راح ليث وعاصم يشوفوا في ايه فقال ليث
ليث في ايه يا زين فيه حاجه بتوجعك
زين بدموع عيني مش حاسس بيها
زين كل اما يبعد عن
زين حرام عليكي يا ماما سبيني بقي ابوس ايدك
