رواية أحببت منقذي(كاملة جميع الفصول)بقلم يارا إبراهيم
عاصم بضحك يلا بقي ننزل بدل عيالك ما يغيروا رأيهم اصلهم مجانين
سعاد ههههه معاك حق يعملوها
في عربية جوري قال مهاب
مهاب يلا وصلنا
ليث و زين رسموا الجمود والبرود علي وشهم فقالت جوري اللي استغربت تغيرهم فجأة
جوري مالكم قلبتوا ايه
ليث بجمود جوري انزلي من سكات
جوري مش ردت لإنها شافت إنهم مضايقين عدلت جوري نقابها وهدومها ونزلت وهيا ماسكه إيد اخواتها و نزل عاصم وهو ماسك إيد سعاد جامد وكأنه بيطمنها وبيوصلهم إنهم مش قده وإنهم قبل ما يعملوا حاجه يفكروا كويس جدا
مشيوا بكل ثقة ناحية العيله اللي واقفه في إنتظارهم و وراهم الحرس أول ما شافت
ليث ماتخافيش يا حبيبتي محدش هيقدر يقربلك طول ما إحنا موجودين
ليكمل زين
زين جوري إحنا طول عمرنا سند لبعض وهنفضل كده لحد مانموت
ليكمل ليث
ليث جوري إحنا مش إخواتك وبس لا أنت بنتنا ولا نسيتي إننا اللي مربيينك لما بابا و ماما كانوا بيشتغلوا
جوري بدموع لا مش ناسية ربنا يخليكم ليا وميحرمنيش منكم ابدا يارب
حضنوا الإخوات التلاتة بعض تحت نظرات الحرس اللي فرحوا وعاصم وسعاد اللي اتأكدوا
كانت العيلة بتبصلهم منهم الفرحان ومن اللي بيحسدهم ومنهم اللي بيكرهم طلعوا من حضن بعض وقربوا من جدهم اللي حضنهم ودموعه لأول مرة تنزل كانت بتنزل حزن علي السنين اللي كان فيها بعيد عنهم وحب واشتياق ليهم فهما كبروا ورفعوا راس ابوهم وامهم بتعليهم واخلاقهم فقال من بين دموعه
الجد الصعيد كلاتها نورت يا ولاد الغاليين
سلم الجد علي ليث و زين وبعدين قرب من جوري و هو بيقول
الجد تعالي يا حبيبة جدك
حضنت جوري جدها وهي بتقول بصوت كله حنيه واشتياق
جوري ازيك يا جدي حضرتك عامل ايه والف سلامه عليك
الجد بزعل مزيف ايه حضرتك دي
جوري
الجد يلا سلمي على عمامك وعماتك وولادهم
جوري بصت لخواتها فهزوا راسهم في محاولة لتطمئن مشيت جوري وكانت بتسلم على عمامها وعماتها بتوتر وبعدين وصلت لي لمياء اللي رسمت ابتسامه مزيفه وهي بتقول وهي بتطبطب على ظهرها
لمياء نورتينا يا غاليه يا بنت الغاليين
جوري شكرا لحضرتك
لمياء حضرتك ايه قوليلي يا ماما
جوري متأسفه بس مش بقول لحد ماما غير أمي
لمياء بإحراج ولا يهمك بس بلاش حضرتك دي
فجأة ايجي صوت من ورا وهو بيقول
الصوت أهلا أهلا عاصم بيه وسعاد هانم هنا يا ألف مرحب
سعاد بفرحه ودموع
يتبع
أحببت
يارا إبراهيم
