رواية العزف على نياط القلوب الفصل الثاني عشر 12 بقلم اماني سيد

الأول مبروك يا عيسى على فرحك 
وانت عرفت منين 
الاولاد بلغونى 
الله يبارك فيك 
بص يا عيسى انا بصراحه كنت مسافر يومين كده اغير جو وعايز الاولاد معايا 
اولا لازم تستأذن مامتهم مش انا لو وافقت انا معنديش مشكله رفضت يبقى للاسف مش هتاخدخم ثانيا طيب انا فرحى الاسبوع الجاى ينفع وعايزهم يحضروا انت مسافر امته 
الاسبوع الجاى باذن الله طيب ايه رأيك لو مامتهم وافقت انهم يسافروا معايا اعدى عليهم فى القاعه بعد الفرح و اخدهم معايا عشان نسافر تانى يوم بدرى 
تمام نشوف رأى مامتهم الأول وبعدها ابلغك 
تمام فى الانتظار ومبروك مره تانيه 
اغلق عيسى الحديث مع رياض وقرر أن يسأل غاليه عن رأيها 
سالته ليلى عن هوية المتصل وابلغها بهويته 
طيب ليه هو مايكلمهاش على طول
انتى بتغيرى 
لا طبعا بس أى حاجة تخص الأولاد ده قرارها والمفروض إن هى اللى

تقرر والمفروض إن رياض يبقى عارف وياخد رأيها 
هو مقالش حاجه ولو هى اعترضت مستحيل اسمح انهم يروحوا معاه
ما انت زعلان منها 
زعلان منها ومش صافى ناحيتها بس ده مالوش علاقه أنى الغى رأيها قصص وروايات أمانى سيد 
تمام فهمت قصدك بس عشان خاطري حاول تكلمها مره تانيه 
حاضر يلا بقى عشان اوصلك 
فى اليوم التالى ذهب عيسى لمنزل غاليه ولم يحدها بالمنزل أتصل عليها ووجدها فى النادى مع اولادها تحضر التمرين 
طلب منها أن تنتظره وأنه سيأتى لاصطحابها 
وبالفعل ذهب عيسى ليصطحب غاليه 
وعندما حضر طلبت من الأولاد الذهاب للهو بعيدا حتى لا يستمعوا للحديث 
جلس عيسى لا يعلم كيف يبدأ الحديث معها ولكنه قرر أن ينهى تلك المسألة 
غاليه انتى عارفه انى بجهز لفرحى بقالى فترة 
أه ومش زعلانه يا عيسى 
طيب انا فرحى خلاص الاسبوع الجاي 
ألف مبروووك ربنا يجعلها الزوجة الصالحة ليك 
كنت عايزك تحضرى اننى والاولاد الفرح 
اثناء حديثهم اتى رياض حتى يرى غاليه من بعيد فهو يعلم أن اليوم موعد التمارين الخاصه بهم 
عمدما وجدها جالسه برفقه عيسى بمفردهم فى مكان بعيد عن الانظار شعر بغيره داخله 
غيره كانت تحرقه من الداخل 
كيف يحق لأى شخص غيره أن يجلس ويتحدث معها بكل ذلك الود 
كاد أن يقترب منهم ويفتعل مشكله مع عيسى ولكنه ابتعد مره أخرى ففى الاخير عيسى زوجها وليس لى الحق أن أتدخل بينهم 
عندما ذكر نفسه بذلك الوضع شعر بيأس داخل كاد أن ينصرف ولكن أخذه الفضول ليعلم فيما يتحدثون 
وجد مكان قريب منهم ولكن يوجد فاصل من الاشجار الكثيفة التى تمنع الرؤيه ولكن تمكنه من سماعهم ذهب رياض وجلس فى تلك الطاولة وصب كامل اهتمامه على حديثهم والتنعم من سماع صوت غاليه اخيرا استطاع سماع صوتهت جلس رياض وجعل ظهره للامام واعطى وجهه للسور الشجرى كى لا يراه اولاده ويتعرفون عليه
ظل الحديث دائر ما بين عيسى وغاليه 
انت عايزنى احضر يا عيسى 
انتى بنت عمى قبل أى شئ ووجودك فى حياتى كاختى وبنت عمى عمره ما يزلعنى بالعكس يبسطنى
تمام يا عيسى وانا باذن الله هكون موجوده بس عايزه اطلب منك طلب وبالله عليك ما تعترض 
اتفضلى يا غاليه 
انا عايزه اطلق 
انتى بتهزرى صح 
لا بتكلم جد بص يا عيسى انا مش مرتاحه فى الوضع ده وكمان ليلى حقها انها تبقى الوحيده فى حياتك عشان كده انا عايزه اطلق بس مش عايزه عمى يعرف حاجه 
اشمعنى 
معلش يا عيسى إحنا خلاص مش محتاجين ليه فى حاجة دلوقتي وخلاص هتتجوز ليلى وانا خلاص بقيت قاعده فى بيتى مع ولادى ومش محتاجه منه حاجه هو لو عرف مش هيسكت وهيقولى مكلقه للمره تانيه وكلام كتير إحنا فى غنى عنه 
انتى عايزه تتجوزى تانى او ترجعى لرياض 
مستحيل رجوع للرياض او جواز تانى من المستحيلات 
خلاص يبقى