رواية العزف على نياط القلوب الفصل الثاني عشر 12 بقلم اماني سيد

نسيب الوضع كما هو عليه متجوزين بالاسم فقط .
معلش عايزه احس انى حره مش لازم ارجع لحد ولا استأذن حد عايزه احس انى اقدر اختار حاجه في حياتي 
طيب ما تدى نفسك فرصه وتراجعى نفسك وانا كده كده مش مخليكى ملزمه بحاجة 
معلش يا عيسى كده هبقى مرتاحه اكتر 
صمت عيسى يفكر فى تلك الخطوة هى كان يريدها من البداية لكن لما الآن شعر بتوتر من تنفيذها 
خلاص يا غاليه بعد الفرح نتكلم فى الموضوع ده 
لا انهارده نخلص الموضوع ده 
انتى مستعجله كده ليه هو أنا بعذبك 
لا دانت ملاك هههههه يا راجل 
إيه ده بقينا نعرف نألش اهو 
تمام يبقى كده اتفقنا نخرج من هنا على المأذون نطلق وبعدها توصلنى البيت بالولاد 
بخصوص الولاد صحيح باباهم عايز ياخدهم ويسافر يومين 
مافيش مشكله 
ايه ده بسهوله كده انا كنت فاكر انك هتعترضى وأنى هقنعك وكده بقى  
بس لازم أعرف ايه اللى خلاكى توافقى بسرعه كده 
عشان مش عايزاهم يبقوا شبهى ماقفول عليهم يطلعوا من غير رأى ولا شخصيه 
ايه المشكلة لو سافروا مع باباهم وخرجوا واتعلموا عارف هيحصل ايه 
هياخدوا خبره ويعرفوا يتعاملوا مع الناس ولو باباهم بيضايقهم او بيعملهم حاجه هما مش هيحبوا يروحوله وهيعرفوا يشتكوا ويعبروا مش هيبقوا زيى الى الآن مش بعرف اعبر 
وفوق كل ده هو باباهم فى الاول والآخر يعنى استحاله يأذيهم 
طيب مهو اذاكى 
هو استغلنى واستغل ضعفى وداس عليا واستقوى عشان كان عارف انى ماليش حد وفوق ده كله 
كان لما بيغلط انا بعتذرله 
انت متخيل تبقى انت غلطان وانا اجى اقولك انا اسفه حقك عليا 
هو متقاش ربنا فيا وكمل عليه 
ظل عيسى ينظر لغاليه بأسف لا يعلم ماذا يقول لها 
على قدر سعادته انها بدأت تفوق وتستوعب على قدر حزنه لما مرت به 
لا ينكر استياءه منها وبعده عنها خلال الفتره الاخيره فسلبيتها ادت لأذها واذاه هو شخصيا 
تمام يا غاليه هنفذلك اللى إنتى عايزاه 
ها تحبوا تتغدوا ايه بقى انا هموت من الجوع وزمان الولاد كمان جعانين 
وفر فلوسك عشان العروسه فى غدا فى البيت 
كفى نفسك انتى ماتقلقيش جيب السبع مايخلاش 
ثم اخرج من جيبه رزمه من النقود واعطاها لها 
خدى دول هاتيلك فستان حلو وجزمه شيك كده وشوفى لو محتاجه حاجه تانيه هاتى اللى انتى عايزاه 
لا مش هاخد حاجه 
ماتنسيش إنك لسه على زمتى ولو رفضتى مش هطلق 
عيسى بطل تعاند معايا هو يا تبقى كويس اوى يا تبقى رخم اوى كده 
كده كده انا كنت شايل الفلوس دى ليكى مالهاش علاقه بكلامنا دلوقتي وعايزك تصرفى منهم مش محتاج إنك تحوشيلى زى مابتعملى 
مش فكره بحوش مكنتش اعرف اصرف على ايه 
اتعلمى تصرفى ها تحبى تاكلى ايه انتى والاولاد 
بص نادى على الاولاد وشوفهم هياكلوا ايه وهاتلى زيهم 
تمام يا ستى بسيطه 
وبالفعل نادى عيسى على الاولاد واختاروا الطعام وطلبت غاليه مثلهم فى تريد أن تتعلم الحياه وبدأت تتعلم من اولادها فأصبحت تطلب كما يطلبوا
قبل ان يأتى الاولاد قرر رياض الانسحاب حتى لا يتعرف عليه اولاده 
خرج من النادى بصمت تام 
فى بداية حديثها مع عيسى صعد لاعلى السماء عندما علم بوضع زواجهم وانها ستنفصل عنه 
ثم وقع لسابع ارض عندما سمع منها استحالة رجوعهم وسمع منها مدى المعاناة التى عاشتها معه 
كيف له أن يفعل ذلك بها 
هى رجوعها بالنسبة له اصبح من المستحيلات بالنسبه لها ولكن بالنسبة له اصبح رجوعها له اشبه بحرب 
سيفعل المستحيل حتى تعود له ويعوضها 
ولكن الأمل انها مازالت تثق به على اولادها 
جلس رياض يفكر في طريقه ليجعلها ترضخ للحديث معه 
ياترى هيعمل ايه  
وهل فعلا هيعرف يعوضها او فى حاجة ممكن تعوضها  
هل غاليه هتوافق ترجعله ولا هتعيش حياتها الاول اللى اتحرمت منها