رواية الفرار من الحب الفصل الحادي عشر 11 بقلم حبيبه الشاهد

عليها و اتكلمت 
_ هتجيب التلفون و لا افرج عليك المدرسه كلها
وليد حط التلفون في جيب بنطال اليونيفورم و وقف قدامهم و وراه اتنين من صحابه و اتكلم بسخرية 
_ جيبي اللي عندك روحي أنتي و اختك اشتكيني ل المدير
تاج بابتسامة شيطانيه
_ تؤ المدير دا ل الطلبه اللي مبتعرفش تاخد حقها اما انا باخد حقي بنفسي
خلصت كلامها و اتصدم ب بوكس.. قوي في وشه وقع على أثره على الارض  
الطلبه طلعت تلفوناتها و بقيت تصور و هما متفجأين من تاج 
اصحابه اتصدمه و قبل ما ايديهم تلم.. سها كانت عطر صدت لواحد فيهم ضربه و تاج قلبت التالت على ضهره على الارض
قام وليد من على الارض و هوا بصصلها بكره و راح عندها يض.. ربها كانت عطر اسرع منه و ض.. ربته في بطنه برجليها وقع على الارض يتأوه بألم 
دخلت الميس بتاعتهم و اتكلمت بزعيق
_ أنتوا بتصوره ايه كل واحد فيكم يقفل تلفونه و أنتي يا عطر انتي و اختك تعاله ورايا على مكتب المدير و انتوا كمان ورايا
عطر ميلت على وليد اللي بصصلهم بكره.. و بيتألم و اخدت تلفونها منه و خرجت مع الميس
في المستشفى 
نور كانت حالتها اتحسنت و شاله جهاز التنفس 
كانت نايمه بمعمق و سليمان نايم على الكرسي جنب السرير بعد ما أسر انه يفضل جنبها طول الليل و فرقان نايمه على الكنبة 
صحيوا على صوت خبط الباب نور بصيت ل والدها و هي بتفوق و اتصدمت انه قاعد جنبها و زعلت من نفسها على اللي عملته فيه 
فرقان قعدت على الكنبة و حطيت ايديها على رأسه تتاكد ان الطرحه مظبوطه 
سليمان اتعدل على الكرسي و حاول ينظم صوته
_ ادخل
دخل رعد و اتكلم بهدوء 
_ صباح الخير يا سليمان بيه
سليمان قام من مكانه و هوا حاسس بارتباك شديد و اتكلم بجدية 
_ يسعد صباحك يا سعادة البيه اتفضل
رعد بص ل نور و اتكلم بجمود
_ انا مش جاي اتفضل انا هنا في مهمه رسميه الانسه نور مطلوب القبض عليه في تهمت خ.. طف دكتور عاصف
نور مسكت في ايد سليمان برعب حقيقي و اتكلمت بخوف
_ بابا دا كدب متصدقش انا مخط.. فتش حد
سليمان حاوط ايديها بين ايديه بطمئنان و اتكلم 
_ انا بنتي معملتش حاجه من دي و الدكتور دا كداب و بيتبله عليها
رعد 
_ اما هوا كداب تقدر تقولي ايه اللي خلاك تحاول تق.. تلها امبارح
سليمان بهدوء منافي خوفه و توتره
_ مين قال كدا و هوا في أب يقت.. ل بنته اللي جبلك المعلومه جبهالك غلط لانها لسه عايشه لحد دلوقتي بنتي تعبت من الاتهام اللي اتهمته ليها امبارح و مستحملتش شكي فيها و تعبت و هي هنا لحد اما ضغطها يتبط و تقدر تسأل الدكاترة برضو 
و كلمت نوح الجبالي و انكر انه يعرف دكتور عاصف و قال برضو انه عمره ما شافه و طلب اننا نفض العداوه اللي بين العالتين و احنا وافقنا و تقدر تروح و تسمع منه برضو
رعد 
_ طب بعد اذنك يا سليمان بيه عايز الانسه في كلمتين
سليمان بصله بهدوء 
_ معنديش مانع بس في وجودي
فرقان ادخلت بهدوء 
_ ممكن استأذن حضرتك تجيلها وقت تاني لان زي ما حضرتك شايف هي تعبانه و بعدين عنها اي ضغط و كلامك معاها هيتعبها اكتر
رعد بجدية 
_ متقلقيش يا مدام مش هاخد من وقتها خمس دقايق 
تقدري تقوليلي ليه يا أنسه نور دكتور عاصف يتهمك اتهام زي دا
نور برتباك و خوف شديد 
_ معرفش
رعد كمل اسألته بهدوء 
_ اشمعنى نوح الجبالي بالذات اللي اتهمه ليه مقالش اي اسم تاني مثلا سألم ابن عمته او حيدر
نور بارتباك اشد
_ معرفش هوا عمل كدا ليه و لا اعرف حد من عيلة الجبالي عمري ما شوفت حد فيهم
رعد بص لسليمان و اتكلم 
_ انا لحد دلوقتي مفتحتش محضر رسمي هستنى لحد اما الدكتوره تخرج من المستشفى و انا هعرف وقتها الدكتوره كانت فين
خلص كلامه و استأذن و خرج اتنفس سليمان براحه و بص لنور بجمود سحبت ايديها منه بتردد تلفون فرقان رن اخدته من على الكنبة و هي مستغربه لانها صديقتها من ايام الثانوي 
دخلت البلكونة و رديت على التليفون
نور بصيتله بدموع
_ بابا و الله ما اعرف اي حاجه من اللي الظابط بيقولها انا امبارح طول اليوم كله كنت في الجامعه و بعديها روحت البيت و مخرجتش منه خالص
دخلت فرقان و اتكلمت بلهفه
_ سليمان مدرسة قمر بترن عليا تقولي ان حصلت مشكله كبيره في المدرسه و لازم تكون موجود قبل ما يبلغه الشرطه
سليمان بصلها بذهول و خرج من الغرفه جريت وراه فرقان خرجه من المستشفى
فرقان 
_ انا اللي هسوق عشان دراعك
ركب سليمان جنبها و انطلقت فرقان بالعربية كانت ملامحه مشدوده و عروق ايديه ظاهره بوضوح خافت من شكله و بصيت على الطريق 
وصلوا المدرسه و دخله مكتب المدير كانت عطر و تاج واقفين على جنب و وراهم وليد و اصدقائه و والد واحد منهم موجود
فرقان قربت عليهم بلهفه مسكوا فيها هما الاتنين بخوف من غضب سليمان 
اتكلمت فرقان بلهفه
_ ايه اللي حصل انتوا كويسين
سهير قامت وقفت من على الكرسي و اتكلمت بعصبيه
_ كويسين أنتي مش شيفاهم احب اقولك يا مدام انك معرفتيش تربي بناتك
شوفتي عمله ايه في ابني
فرقان بصيت على التلت شباب و اتكلمت بهدوء 
_ ممكن تهدي اعرف ايه اللي حصل الاول و بعديها ارد عليكي
المدير 
_ الهدوء يا هوانم الهدوء اتفضل يا سليمان بيه اقعد انت و المدام
سليمان قعد على كرسي مقابل والي أمر واحد من التلاته كمل المدير كلامه
_ دلوقتي الانسه تاج و الانسه عطر ض.. ربه زميلهم في الفصل
سليمان بص على بناته اللي واقفين بصين في الارض و اتكلم بجدية 
_ ليه ايه السبب اللي خلى بناتي تعمل كدا
المدير 
_ الانسه عطر بتقول ان زميلها خلاها معديه في الفصل و اخد منها التلفون و اختها ادخلت و ضر.. بوهم انا موجود حصل اي حاجه يجوه يشتكه هنا و انا هجبلهم حقهم مش يض.. ربه احنا مدرسه محترمه
سليمان بص ل بناته و اتكلم 
_ اتأسفه حالا
بصتله تاج و الدموع متجمعه في عينيهة بصدمه و قبل ما تتكلم شاورلها سليمان بالسكوت نزلت وشها الارض و اتكلمه هما الاتنين في نفس واحد
_ انا اسفه
سهير بعصبيه و غضب
_ بس كدا طب و ابني اللي دراعه اتك.. سر تخلص بأسف انا مش قبله الاعتذار و هخرج من هنا على القسم اقدم بلاغ
فرقان وقفت قدامها و وراهم تاج و عطر و اتكلمت بنفس عصبيتها 
_ والله يا مدام ابنك هوا اللي مش متربي اما يعاكس بنت يبقي سوري معرفتيش تربيه و لو بناتي مكنوش ض.. ربه كنت انا اللي هاجي اض.. ربه بنفسي ادام حضرتك مش فاضيه تربيه لو عايزة تروحي القسم انا معاكي و هعمل محضر و شكلك متعلمه يعني عارفه محضر التح.. رش عقبته كام سنه سجن
سهير بعضب اشد
_ أنتي بته.. دديني أنا مش هسكت و حق ابني هجيبه يبقي ولادك غلطنين و تبج حي فيا صحيح ناقصه ربايه
سليمان وقف قدامه و اتكلم بصوت جمهوري
_ كلمه كمان و هنسى انك حرمه و هوريكي مقامك بنك اللي غلطان و اوعي تكوني فاكره انها خلصت على كدا انا رجعتلك حق ابنك لما بناتي أتاسفه لسه بقا حق بناتي مجبتهوش من ابنك و صحابه
بص ل المدير و اتكلم بحد 
_ يقفه قدام المدرسه كلها في طابور الصبح و يقلعه الجزمه و يتلبه عشان يكونوا عبره لكل الطلاب يا اما اخدها مسأله عائليه و تقوم حرب بين التلت عائلات
المدير بخوف شديد 
_ اللي تشوفه يا سليمان بيه اتفضلوا يا ولاد ارجع الحصص بتاعتكم
في منزل عائلة الجبالي 
اتجمع البيت كلوا على صوت صريخها اللي هز كل اركان المنزل و 
يتبع..... 
الكاتبة_حبيبه_الشاهد
الفرار_من_الحب