رواية العزف على نياط القلوب الفصل الخامس والعشرين 25 بقلم اماني سيد
فى اليوم التالى قررت ايناس الذهاب لغاليه حتى تتشاجر معها وتأخذ منها ثمن تنضيف الشقه
قامت ايناس وجدت حسين نائم بجانبها
اصحى يا حسين الساعه ٣ العصر
معقول نمنا كل ده
اه قوم بقى انا هروح أجيب الولاد من عند ماما عشان سايباهم عندها من امبارح
طيب كويس لحسن وحشونى أوى
على ما اروح وأجى خلى الشملوله تعمل الأكل
حاضر روحى انتى وتعالى بس متتأخريش
ارتدت ايناس ملابسها وتوجهت أولا لمنزل غاليه ولكن لم تجدها وجدت فقط مريم وليلى وبعض من العاملين
دخلت المنزل وجلست بجانبه
هى غاليه فين
لسه مجتش زمانها على وصول
انتى بقى ليلى مرات عيسى
اه أنا عندك اعتراض او حاجه
وانا مالى هو انا اللى اتجوزتك بس صحيح بقالك شهرين متجوزه مش هبقى عمه قريب ولا إيه
دى حاجة بتاعت ربنا .
هى أه بتاعت ربنا بس انتى لازم تسعى وطالما مر شهر ومحصلش حمل لازم تكشفى عشان لو فى عيب عندك تلحقى نفسك بسرعه ماتسبيش نفسك سنه واتنين زى اللى بيعملوا وبعد كده تروحى تكشفى وتاخديلك
بس باذن الله مش هيكون عندى مشاكل .
وانتى عرفتى منين كنتى اتجوزتى قبل كده وحملتى عموما أنا بنصحك وانتى حره تعملى بنصحتى أو لا
بس عايزه انبهك إن عيسى فلاح مش معنى اننا هنا فى القاهره من زمان ننسى اصلنا
قصدك ايه
قصدى إنه بيحن للعيال ولو محصلش خلفه دماغه هتاخده لبعيد عشان كده روحى اكشفى روايات امانى سيد
صمتت ليلى فحديث إيناس رغم أن الغرض منه مضايقتها إلا إنها اقتنعت به وقررت أن تتحدث مع عيسى وتذهب للطبيبه
نظرت إيناس بعد ذلك لمريم
وانتى بقى بتشتغلى عندهم ولا شريكه معاهم
تحدث مريم بتهكم فهى لا تحب ايناس لانها تذكرها بأخوات خالد
ابقى اساليهم عن أذنك يا ليلى عندى شغل
تركتها مريم ورحلت تحت نظرات الاشمئزاز من ايناس
ايه ده هى بتتكلم كده ليه دى هى صحيح شغاله هنا ولا شريكه ليكم
هتفرق معاكى
أه طبعا هتفرق لو بتشتغل هنا فخليها تقوم تعملى حاجه اشربها على الاقل تعمل بلوقمتها
استنى يا ايناس اكلم غاليه اشوفها
تحججت ليلى لتترك ايناس وذهبت للاتصال بغاليه
ايه يا ليلى عامله ايه الكاتبه أمانى سيد
انتى فين ايناس جت وقاعده وعمالة ترازى اللى رايح واللى جاى ومستنياكى
معلش هتاخر عشان المربيه موجوده وبتكلم معاها فى شويه تفاصيل
طيب ايه ده نعمل فيها ايه
محدش يكلمها ولا يرد عليها خالص هتزهق وتمشى
طيب تمام
اغلقت معها ثم اتصلت بعيسى
السلام عليكم
ليلى انتى كويسه ولا ايه مش عوايدك تتصلى دلوقتي
انا كويسه بس كنت عايزه احجز مع دكتوره ونروحلها
ليه حاسه بإيه
صدقنى انا كويسه بس عايزه اروح لدكتوره نسا وتوليد
انتى حاسه بحاجه
انت علقت لا مش حاسة بحاجة عشان كده عايزه اروحلها
طيب حصل ايه طمنينى
لما اشوفك فى دكتوره هنا على اول الشارع هحجز معاها وبليل نروحلها سوا
طيب وانا هعدى عليكى بدرى إن شاء الله
فى منزل غاليه كانت تجلس برفقه رياض وتتحدث مع تلك المربيه التى جلبها رياض
طيب ممكن اعرف مؤهلاتك ايه
انا
طيب ليه ماشتغلتيش مدرسه
للأسف حاليا المرتبات تكاد تكون معدومة
طيب عندك القدرة انك تتعاملى مع الاولاد انتى هتقعدى معاهم كل يوم من ٤ او ٥ ساعات
ماتقلقيش ومش بس هقعد معاهم لا انا كمان هبدا معاهم المنهج واسسهم كويس
تحدث رياض مؤكدا على يوم اجازتها
تمام وبالنسبة للاجازه بتاعتك هتكون جمعه وسبت
ولو فى يوم هنخرج او مش هنكون موجودين هنبلغك وأوقات انا بقعد مع الاولاد وقتها برضوا هبلغك تاخدى اجازه
تمام مافيش مشكله
هتبدأ. شغل من انهارده وانا بإذن الله الساعه ٨ هكون موجوده لو اتاخرت هبلغك
وانا محتاج البطاقه بتاعتك هصورها واجبهالك تانى
تمام مافيش مشكله اتفضل البطاقه و حضرتكوا تقدروا تتفضلوا وانا هقعد اتكلم مع الاولاد وبالفعل خرجت غاليه لتذهب لعملها وخرج خلفها رياض
اراد رياض توصيلها لكن غاليه رفضت واوقفت تاكسى وذهبت لعملها
دخلت غاليه مصنعها الصغير وجدت ليلى تجلس صامته على غير العادة
جلست غاليه بجانبها
مالك يا
مافيش
امال ايناس فين
قولتلها انك مش جايه ومشيت
