روايه عهد الدم كاملة حتى الفصل الأخير بقلم حماده هيكل

يا جدي
اسمع اللي بقولك عليه وبطل منهاده
طيب بس عرفني هتعمل ايه
لما تيجي هتعرف كل حاجة
بالفعل غبت يومين ورجعت لجدي 
طب ازاي
مش مهم أزاي المهم 
طب واهله اكيد قالبين عليه الدنيا 
يقلبوا..احنا منعرفش عنه حاجة
دخلت الحمام بعدها بشوية ..واتفاجأت أن لون البلاط أتغير
فهمت على طول اللي حصل
جدي ..انت غيرت البلاط دا ليه 
مفيش اهو تغيير 
صدقني كان غصب عني
غصب عنك أزاي ..انا عاوز افهم
بعدها رن موبايلي ..لقيت ماما بتقولي اخوك الصغير
تعب ولازم تيجي بسرعه عشان تاخد المستشفى
دور سخونه جامد اخويا اتحجز يومين
على ما رجع بابا من السفر كان اخويا اتحسن الحمدلله
في الوقت دا أهل راضي كانوا قالبين الدنيا على ابنهم
منظر امه ومراته كانوا يقطعوا القلب
ابوه بقى بيمشى يكلم نفسه في الشارع ..فات أسبوع
ولا حس ولا خبر عنه
كنت حاسس اني مشارك ب سكوتي على جدي 
بس لو اتكلمت جدي هيروح في داهية وانا كمان مستقبلي هيضيع..عشت أسود أيام حياتي حرفيا
في اليوم العاشر 
قررت أني أروح لجدي ..علشان نروح انا وهو للقسم نسلم نفسنا ونعترف .واللي يحصل يحصل
لما وصلت للعمارة اللي فيها بيت جدي لقيت ناس كتير وعربية شرطة واسعاف .. هو ايه اللي حصل
بعد شوية نزل جدي وهو متكلبش وركب البوكس
وسمعت واحد من الجيران بيقول
بقى الحج عبدالقادر يطلع منه كل دا
رد
جدي ..سلم نفسه قبل ما أوصل
بسرعة كلمت بابا وقولتله جدي متهم 
طلعنا على القسم ..للأسف الظابط رفض يخليني اشوفه
وصل بابا ومعاه المحامي ..دخلوا وانا كنت مستني برة 
أزاي الامور وصلت لكدا
بابا خرج وقالي جدك أعترف 
وخد 4 أيام أستمرار حبس
رجعت البيت وانا في دوامه وحاسس اني في كابوس
مش فاهم ولا مستوعب كل اللي حصل دا 
حصل ليه وأزاي!!!
بعد يومين وصل خبر وفاة جدي نتيجة هبوط حاد في الكورة الدموية ..
جدي مات و معاه كلام كتير محدش عرفه
سر كبير وراه كنت على وشك اعرفه
لكن اللي حصل دا لخبط كل حاجة
بعد أسبوع من وفاة جدي ..وصلني جواب
الجواب دا كان من جدي نفسه
طب ازاي
فتحت الجواب بسرعه وكان مكتوب فيه
حفيدي الغالي مؤمن ..لو وصلك الجواب دا فمعناه اني ميت دلوقت وبين إيدين ربنا
عارف انك عايز تفهم وعندك تساؤلات كتير
مجاتش فرصة وافهمك ..بس أن الاوان تعرف الحقيقة
لما استلفت الفلوس من راضي والارض فضلت زي ماهي سعرها ما زادش زي ما كنت مخطط..راضي كان بيضغط عليا يوميا عشان اسدد فلوسه بالفوايد
فكرت كتير وكنت عايز الاقي طريقة اسدد الفلوس
وللأسف لجأت لطريق تسخير الجن
من خلال كتاب قديم كان عندي اسمه عهد الدم
كنت فاكر أن دا ممكن يحل مشكلتي 
حاولت أكتر من مرة وكنت دايما بفشل
ولكن بعد أكتر من محاولة قدرت وحضرته
طلب مني أني أنفذ أوامره عشان يساعدني
كان عايز أقتل ..وطبعا انا رفضت
هو اللي ظهرلك بصورتي ووهمك انه والدك
اللي جه وازارني ..هو يقدر يتشكل في هيئة اي حد 
لأنه ملقاش مني فايدة
ولما حصل اللي حصل وراضي وقعك
قالي فرصتك جت ..لازم تقتله والا هيقتل حفيدك
ضربته بالكرسي على دماغه 
وعشان خوفت عليك سمعت كلامه 
طلب مني ضحية كمان وبعدها هيحققلي كل اللي اطلبه 
.رفضت كلامه ..توقعت منه الغدر
وعشان كدا كتبتلك الجواب دا
وأنا عارف اني خلاص هموت ..لأن معنى رفضي لأمره
هو اني بكتب شهادة وفاتي بأيدي
ياريت يا مؤمن تسامحني ..كان غرضي احافظ عليك
واحميك من كل سوء..انا أخطأت ودلوقت بتحمل نتيجة خطأي ..ياريت بعد ما عرفت كل حاجه ..تتخلص من الجواب دا واوعى حد يقراه
الله يرحمك يا جدي ضحيت بنفسك عشان تحافظ علينا
وورطت نفسك في لعبة أنت مش أدها
بس أهو خلاص الموضوع انتهى
ولازم انسى واعيش حياتي
مرت الايام لقيت حروف اسم راضي 
وبعدها بصيت للمرايا..شوفت صورة راضي 
وهو بيبص لي بغضب_وتوعد
وصوته بيتردد في ودني وهو بيقول
حقي لازم يرجع لي
دلوقت انا لازم أتصرف وأرجع ال الف جنيه
والا هينتقم مني
بس ازاي اتصرف في المبلغ
دا
دخلت أوضتي وانا بتنفض ومرعوب
كان في كرتونه ..لقيتها على مكتبي 
فيها كتب بابا جابهالي من شقة جدي
خبطت في الكرتونه من غير ما أقصد
وقعت منها الكتب... وانا برصهم تاني 
عيني وقعت على كتاب شكله غريب 
في حاجة بتشدني ليه
مسكته وفتحت أول صفحه ..مش عارف ليه بقرأ
وانا مش في مود لكدا 
ومستمر في القراءة غصب عني ..كأني مسحور
الكتاب كان مكتوب على غلافه..عهد الدم
تمت
عهد_الدم
حماده_هيكل
أتمني القصة تعجبكم..