رواية العزف على نياط القلوب البارت الثلاثون بقلم اماني سيد
وبالفعل قام بالذهاب لمنزل ولاء وفتح له ابنائها الباب واخبروه أنها غير متواجده
عاد لمنزله مره اخرى لا يعلم ماذا يفعل هل يسلم اخته للشرطه ام ماذا يفعل
هل ستصمت نجلاء أم ستبلغ عن ولاء
ظلت تبحث فى الرسائل لم تجد شئ
قامت بالبحث فى الرسائل القديمه وعندما لم تجد ذهبت لاحدى محلات الهواتف واعطتهم الهاتف لكى يعيدوا الرسائل المحذوفه فالاكيد أن شخص مثل نجلاء حريص فى التعامل والطبيعى أن تمسح أى شئ يدينها
ووجدت رسائل خاصه بموت والدتها
قامت بالتقاط صور لتلك الرسائل حتى تصورها وارسلت تلك الريكوردات على هاتفها ثم قررت الاحتفاظ به كدليل وظلت تفكر ما ستفعله حاولت الاتصال بولاء لكنها لم تستطع الوصول لها وقررت أن تذهب لها فى اليوم التالى
فى منزل غاليه حالتها بدأت تتحسن وأصر عمها على زيارتها حتى يتحدث
وصل صلاح منزل غاليه وطلب ان يقابلها ووافقت غاليه حتى تعلم ماذا يريد
جلست غاليه وجلس صلاح امامها لا يعلم ماذا سيقول
خير يا عمى اصريت انك تكلمنى وتقابلنى
الاول انتى صحتك عامله ايه
كويسه الحمد لله
انتى رجعتى لرياض
اه وعيسى كان وكيلى وشهد على الجواز ده سبب مجيتك هنا انهارده انك عرفت انى رجعت لرياض من غير ما اقولك
لا مش ده السبب بس لو ده اللى مريحك فألف مبروك
آمال ايه سبب مجيتك النهارده
عايزك تسمحينى
على ايه
انى فهمتك غلط طول السنين اللى فاتت
وايه اللى كنت فاهمه غلط
ظل صلاح يقص عليها ما كانت تقوله له ايناس وما قالته له ليلى
وحكى لها عن زيارته لايناس وأنها مازالت تنكر لكن رغداء زوجه زوجها اخبرته الحقيقة
ظلت
بجد يا عمى كل ده حصل
اه والله العظيم ده سبب سوء الفهم عشان كده انا جاى وعايزك تسمحينى و وعد منى هكتبلك فى الورث زيك زى إيناس بس انا عايزك تسامحينى
اسامحك
قالتها غاليه بسخريه
اسامحك على ايه ولا ايه
على انك مفكرتش تتأكد من كلام ايناس صح ولا غلط وانك حرمتنى أنى اتعلم زى الناس وكنت يا دوب بروح على الامتحانات دانا بحمد ربنا انى بعرف اقرا واكتب
كلام ايناس خلاك تشك فيا وماتودنيش المدرسه وكمان ماتجبليش مدرسين
طيب انت لسه مراقبتنيش عشان تتاكد من كلام ايناس وحتى لو كلامها صح مزاكرتليش انت ليه فى البيت على الأقل تعوضنى
مصعبتش عليك وانا بلبس هدوم بنتك القديمه
مكنتش بتشوفها وهى مشغلانى عندها زى الخدامه
طيب
اتصلت بيه وسلمتنى ليه من غير حتى ماتقوله عيب مايصحش تعمل فى مراتك كده لكن انت ساندته وجيت عليا قصاده
عارف رياض رغم كل عمايله دى مايجيش حاجه فيك
تربيتك ليه هى السبب انى اكون من غير شخصيه معاه من الاول
انا اللى السبب انه يعمل معايا كده عشان اتعود على انى اقول حاضر وطيب ونعم
اتعودت اقول انا أسفه حتى لو مكنتش غلطانه اتعودت أتنازل واجى على نفسى وارضى الكل وانا مش مهم كنت اشوف فى التليفزيون والنت الاعلانات عن خروجات ومطاعم كان نفسى اروحها واجربها كنت بخاف حتى اطلب من رياض يخرجنى وانت جاى تقولى سامحينى
انا اسفه يا عمى انا اسامح أى حد إلا انت لان انت
يتبع
