رواية للقدر رأي تاني(كاملة حتى الفصل الاخير)بقلم ايه دياب
المحتويات
نص ساعه تاخديهم
تمام
قومت عشان امشي وقبل ما اخرج من الباب
خديجة
وقفت مكاني وانا بتنهد و لفيت ليه
نعم
خلاص
دا ايه الرخامة دي قلتها في سري و مشيت
اول ما طلعت من المكتب حسيت اني رجعت اتنفس تاني
دخلت الحمام اغسل وشي لكن لقتني بعيط فجأة
بصيت على انعكاسي في المراية
حسيت اني رجعت 5 سنين لورا
اني لسه واقفة مكاني من وقتها
خبطت على وشي وانا بهز راسي بنفي
لا لا لا.... فوقي يا خديجة بطلي هبل... فوقي
يعني طارق هو المشرف على شغلك
اتنهدت و انا بهز راسي ب ايوا
خديجة يا حبيبتي انتي ليه حظك كدا في الحياة
مريم انا هتجنن بجد
لا اتظبطي كدا دا زمان معاه دستة عيال
ايه
ايه انتي
يعني اتجوز
اكيد يعني دول 5 سنين مش 5 شهور
بجد
خبطت بكف ايديها على دماغها
انتي ازاي غبية كدا
يا مريم انتي معايا ولا عليا
يا حبيبتي افهمي مينفعش تضعفي دلوقتي لمجرد انك شوفتيه
مش حوار ضعف هو بس فكرني بحاجات انا مكنتش عايزة افتكرها
بعدين وجوده معايا في نفس المكان موترني
خديجة انتي بقالك كتير اوي نفسك في الوظيفة دي
متضيعيهاش من ايدك و ركزي في شغلك... متخليش ماضيكي
يضيع مستقبلك
اتنهدت
و هو لسه هيضيعه
لو ضيع منك رامي يبقى مينفعش يضيع شغلك
مينفعش تخسري كل حاجه يا خديجة
هزيت راسي ب حاضر
كلام مريم فوقني من لخبطة اليوم كله
حقيقي وجود صاحب جمبك بيحبك و بيدعمك
و يخاف عليك دي نعمة كبيرة اوي
صحيت تاني يوم للشغل وانا واخدة قرار انه مفيش حاجه هتأثر عليا
هرمي كل حاجه ورا ضهري و اركز في شغلي وبس
استاذة خديجة... استاذ طارق عايزك في مكتبه
دا ليه
مش عارف
طيب يا خديجة زي ما اتفقنا مفيش حاجه هتأثر علينا
اتعودي بقا على وجوده ما هو معاكي في نفس المكان
طبيعي هتشوفيه كتير
حاولت اشجع نفسي على قد ما اقدر
دخلت المكتب بثقة المرة دي
افندم يا استاذ طارق... شريف قالي ان حضرتك طلبتني
ايوا اتفضلي اقعدي
قعدت قدامه بكل هدوء و عملية
كنت مختلفة كتير عن امبارح
تشربي ايه
شكرا لسه شاربة قهوتي
احم... الملف دا خديه اشتغلي عليه النهارده
ولو محتاجه اي مساعدة تقدري تسأليني و....
وقف كلامه و هو بيمد ايده ناحيه عنيا
رجعت لورا بسرعة
رفع ايده بتوتر
كان في شعرة هتدخل في عيونك شلتها اهو
قالها و هو ماسك الشعرة في ايديه لاحظت وقتها دبلته
اللي في الشمال
دا طلع متجوز فعلا
علفكرة كان ممكن حضرتك تقولي بدل اللي عملته دا
قولتها بعصبية وانا باخد الملف من المكتب و بمشي بسرعة
من غير ما اديه فرصة يتكلم اصلا
الو يا مريم
ايه يا ديچا اخبارك ايه
طلع متجوز
ما انا قولتلك يبنتي... ركزي في شغلك بقا
بس...
خديجة ركزي في شغلك و بطلي هبل
حاااااضر مقولتش حاجه انا
هننزل النهارده نجيب الفساتين اللي هنحضر بيها فرح داليا صح
يااااه
نتقابل بعد الشغل بقا
معرفتيش مين العريس الخفي دا اللي مش راضيه تقولنا عليه
مش عارفه والله بتقول خليها مفاجأة
ايوا هتتجوز توم كروز يعني ولا ايه
اخر الشهر هنتفرج كلنا... انا بس مستغربة من السرعه دي مخطوبة من شهر هتعمل الفرح دلوقتي ازاي
داليا من يومها مجنونة نتوقع منها اي حاجه عادي
حصل... طيب يلا كملي شغلك
اوك.. سلام
حاول اتجنبه لحد ما خلصت شغل اخيرا
مش هنكر اني فضلت مقفولة طول اليوم بعد ما عرفت انه متجوز
بس من الاول و انا كنت متوقعة دا ف متفجأتش يعني
مريم ايه رأيك في الفستان دا
حلو اوي ادخلي جربيه كدا
طيب تعالي معايا انا مش عارفه البروڤا فين
كنا ماشين لحد ما لمحت طارق في المول
كان شايل بيبي على كتفه وجمبه واحدة ماسكة ايديه
حسيت اني اتجمدت مكاني نفس احساس يوم ما عرفت انه خطب
انك تسمع الحاجة من بعيد غير انك تشوفها حقيقة قدامك
اتقهرت على نفسي لأني الوحيدة اللي خسرانه هنا
ضيعت 5 سنين من عمري على الفاضي
وضيعت رامي.. انا خسرت
خديجة انتي وقفتي ليه.... بتبصي على ايه
انتبهت ليها لما شدتني من دراعي بصتلها و خانتني دمعة
حاولت انها متنزلش لكن نزلت برضو
انتي بتعيطي.. في ايه
سكتت لما انتبهت ليهم هي كمان
اخدتني و مشيت بعيد عنهم
خديجة اهدي احنا كنا عارفين من الاول
انا...... انا خسرت هو طلع عايش عادي
وانا خسرت
قلت كلامي و انا بتنفض كلي و دموعي متعلقة في عيني
عيطي يا خديجة متكتميش دموعك عيطي
اخدتني في حضنها و انا انهارت
مش مجرد اني شفت الشخص الوحيد اللي حبيته متجوز و عنده عيلة
لكن عشان ادركت اني خسرانة.. اني الوحيدة اللي ضيعت سنين عمري
على الفاضي
دخلت في اكتئاب بعد اللي حصل و فكرت كتير اسيب الشغل
لكن تراجعت لأني مش عايزة اخسر اكتر من كدا
النهارده فرح داليا صحبتي مكنتش عايزة احضر
لأني بروح الشغل بالعافية اصلا مش قادره اقابل ناس
ولا اشوف حد.. بس بعد الحاح مريم قررت اروح
لبست دريس سواريه اسود بس متوقعتش انه هيقترن بحظي يومها
كنت قاعدة بهزر و اضحك انا ومريم وشوية من صحابنا
لحد ما لقيت طارق و مراته في الترابيزه اللي قدامي
حاولت اتحكم في اعصابي عشان محدش يلاحظ
لكن فقدت اعصابي كلها لما داليا طلت هي وعريسها واللي كان رامي
يتبع..........البارت الرابع
وقفت على سطوح القاعة و انا بصرخ بعلو صوتي
لحد ما لقيت صوت جاي من ورايا
اعذريني يوم زفافك مقدرتش افرح زيهم
مخطرش أبدا يوم في بالي اني ابقى واحد منهم
التفت لمصدر الصوت لقيته شاب غريب بيغني و بيضحك بعلو صوته
بصتله باستغراب قرب عليا وهو لسه بيضحك
حبيبك بيتجوز صح
النهارده فرح داليا صحبتي مكنتش عايزة احضر
لأني بروح الشغل بالعافية اصلا مش قادره اقابل ناس
ولا اشوف حد.. بس بعد الحاح مريم قررت اروح
لبست دريس سواريه اسود بس متوقعتش انه هيقترن بحظي يومها
كنت قاعدة بهزر و اضحك انا ومريم وشوية من
لحد ما لقيت طارق و مراته في الترابيزه اللي قدامي
حاولت اتحكم في اعصابي عشان محدش يلاحظ
لكن فقدت اعصابي كلها لما داليا طلت هي وعريسها واللي كان رامي
وقفت و انا بحاول استوعب اللي شايفاه قدامي
بدأت تيجي على بالي شوية ذكريات بينت ليا قد ايه كنت مغفلة
رامي احنا هنخرج النهارده صح
ايوا بقولك ايه ما تقولي لداليا تيجي معانا
اشمعنا
قصدي يعني داليا و مريم والشلة نخرج كلنا
اوك هكلمهم
ايدا داليا انتي جايبة السلسلة دي منين
هاااا... دي عندي من زمان
اصل رامي معاه واحدة شببها بالظبط
اممم... دي قديمه اوي
رامي انا مقولتش كدا بس ياريت تخلي حدود شويه بينكم
كل الذكريات دي جت على بالي و غيرها كتير
اكتشفت قد ايه انا كنت غبية طول الفتره دي
واتأكد من دا دلوقتي من نظرة داليا ليا و هي بتضحكلي بانتصار كأننا في حرب
حسيت اني عشت طول عمري في كدبة
كدبة طارق اللي شايفاه قدامي بمراته
او كدبة رامي بحضر فرحه دلوقتي
ضحكت و انا بسقف ليهم كأني بهنيهم على المسرحيه
اللي عملوها عليا كلهم
بعدها اتحول الضحك دا لهيستريا مبقتش قادرة اوقفه
طلعت من القاعة و انا حاسه انه رجليا مش شايلاني
دي كانت بمثابة ضربة قاضية ليا
اول ما خرجت من الباب طلعت اجري على تحت لكن لقيت السلم
مسدو من العمال جريت على فوق وانا مش عارفه رايحة فين لحد ما لقتني وصلت السطوح
وقفت عليه و انا بصرخ بعلو صوتي و مش قادره استوعب اللي حصل كله
حاسة بنار في قلبي و صدري بتحرقني انهارت و انا بعيط
لحد ما لقيت صوت جاي من ورايا
اعذريني يوم زفافك مقدرتش افرح زيهم
مخطرش أبدا يوم في بالي اني ابقى واحد منهم
التفت لمصدر الصوت لقيته شاب غريب بيغني و بيضحك بعلو صوته
بصتله باستغراب قرب عليا وهو لسه بيضحك
حبيبك بيتجوز صح
رجعت كام خطوة لورا لقيته قرب اكتر
انت مين
قلتها و انا شفايفي بترعتش من العياط
انا واحد زيك
ما انا عارفه انك واحد زيي امال هتكون عفريت يعني
حط ايده على بوقي يسكتني لأن صوتي كان عالي الي حد ما
وشاورلي اسكت بإيده التانيه و امشي معاه
كنت لسه هعترض لكن لقيت الامن طالع ف مشيت معاه
وقفنا على جمب علشان محدش يشوفنا
مفيش حد هنا
قالها راجل الامن و نزل تاني
اول ما عرفت انه نزل زقيته و وقفت بعيد
بعد عني و مشي اتجاه السور و هو بيضحك
لكن لقيته وقف مرة واحده و بدأ يصرخ
حطيت ايدي على ودني
اسكت.... اسكت
نط وقف على السور
انت بتعمل ايه
بصلي و ضحك
خايفة عليا
ارجوك انزل
قلتها و انا بقرب عليه
شاورلي بإيديه اقف مكاني
تعرفي انا عمر ما حد خاف عليا
بس انا خايفة انزل
كدابة
لف وشه الناحية التانيه و فرد ايديه الاتنين
عمر ما الحياة ادتني حاجه انا عايزاها
وانا مبقتش عايز حياتي
قالها وهو بيغمض عنيه و كأنه بيستعد انه يرمي نفسه
جريت عليه وانا بصرخ وشديته عليا
وقعنا
حط ايديه على ضهره بوجع
انتي كدا بتنقذيني يعني
مسكت دماغي اللي كانت
بتجيب دم
و اتكلمت بعصبية
انت مجنون... عايز تفرط في الروح اللي ربنا عطهالك
بس......
حاول يتكلم لكن معطتش ليه فرصة
كنت عايز تموت كافر... ازاي تعمل في نفسك كدا
اتكلم بصوت عالى وهو بيحاول يسكتني
بس انا مكنتش هنتحر
ايه
ايه انتي... بحاول اسكتك من بدري و انتي مش بتوقفي كلام
قرب عليا مسك راسي و هو بيبص على الجرح اللي في جبهتي
بيوجعك
هزيت راسي بنفي
بطلي كدب دي بتنزف
خلع الكرافت بتاعه و ربط بيها راسي
انت بتعمل ايه
بربط الجرح عشان يوقف دم
هو انت بجد مكنتش هتنط
ممكن اكون بائس و غبي بس مش لدرجة اني انهي حياتي
امال كنت واقف كدا ليه
كنت بشم هوا
قالها و هو بيهز اكتافه بضحك
ضحكت على حركته
انت مجنون
هز راسه ب ايوا و قام وقف و مد ليا ايديه
مسكت ايديه و وقفت
تسمحيلي بالرقصة دي
بصتله بعدم فهم شاور بإيديه على ودانه
سامعة المزيكا دي
فين دي
مش مهم انا سامعها
قالها وهو بيشدني عليه و بيرقص
لا دا انت مجنون بجد
ضحك وهو بيلفني وبيكمل رقص
بطلي كلام و استمعتي باللحظة
مسكت كتفه و انا بسند عليه
كان نفسي استمتع بس انا دوخت
احم... حيث كدا نطلع على المستشفى
قالها و هو بيشلني
انت بتعمل
اهدي عشان متقلبش على السلم دلوقتي
نزلني طيب
انزلك ايه دا انتي عنيكي بتقلب هتموتي مني
حاولت ازقه وانزل لكن مقدرتش حسيت ان كل حاجه حواليا بتسود
بعدها اغمى عليا
صحيت بعد فترة لقتني على سرير مستشفى و متعلقلي محلول
حطيت ايدي على دماغي بوجع لقيتها ملفوفة بشاش
افتكرت اللي حصل كله و المجنون اللي قابلته
حتى في الانهيار فشلت
هو اي حد ضغطه يوطى يموت كدا
قالها وهو داخل الاوضة و بيضحك
انت لسه هنا
ليه هو حد قالك اني واطي
مش بتعرف تتكلم زي الناس أبدا
للاسف لا
انا عايزة اروح
يتبع..........البارت الخامس
المحلول خلص يلا بينا
نزلنا من المستشفى و وقفنا في الكراچ
حزري عربيتي مين في دول
قالها و هو بيشاور على 3 عربيات جمب بعض
و دا وقت فوازير دلوقتي
انجزي خمني
نستبعد المرسيدس و ال Jeep ف غالبا زوبا اللي هناك دي
شاورت على عرببة صغيرة و متكسرة
ضحك وهو بيدور العربية بريموت
و طلعت المرسيدس
وااااااو
قلتها وانا ببص للعربية بذهول
ضحك و غمزلي
يلا اركبي
ركبت معاه و فضل طول الطريق مشغل اغاني و بيرقص
انتي بتبصيلي كدا ليه
انت ازاي كدا
يعني ايه
من شويه كنت بتنتحر و دلوقتي بتغني و ترقص
قلتلك مكنتش هنتحر
طيب ممكن موبايلك اعمل مكالمه
ناولني الموبايل واللي كان من غير باسورد
اول ما فتحته شوفت صورتي و انا مغمي عليا
ودماغي مربوطة بالكرافت كان شكلي غبي و يضحك في نفس الوقت
ايداااااا
قولتها وانا ببصله بصدمة لقيته شد مني الموبايل و مات ضحك
واضح انك مجنون بجد
لو حولنا كل مآساة في حياتنا
هات الموبايل
تؤ تؤ
يا مجنون
نرجع لموضوعنا.... يعني عندك انا مثلا رجعت من السفر لقتني معزوم على فرح حبيبتي
طلعت على السطوح اشم هوا لقيتك قدامي و حتى معرفتش انهار بسببك
علفكره بقا انا اللي معرفتش انهار بسبب انك طلعت
طيب
متابعة القراءة
