رواية أحكام كاملة (جميع فصول الرواية) بقلم زهرة الربيع
انا مش عايزه اروح الجمعيه دي عايزه اجي معاكي
احكام ضحكت بدموع وقالت..اسمها جامعه...مش جمعيه...وبعدين ما انا معاكي اهوه يا قلبي ..انا كل يوم هكون هنا في المحل تقدري تيجي تشوفيني ونقعد نتكلم و
بس قاطعها خالد لما شال البنت بسرعه وقال..لا...هيه معاها دراسه ومذاكره ومش هتبقى فاضيه...وبعدين اتأخرت على مدرستها ...عن اذنك
ومشي بيها بسرعه وهيه بتبص لطيفهم بدموع والبنت بتبكي عايزه امها
خالد وقف ثواني قدام اخوه وهو بيبصلو بغضب وعتاب ومشي قوام
جوده ابتسم بسخريه ولسه هيطلع من المحل احكام قالت بغضب وسرعه..انا لو وافقت على طلبك ...هتنفذ شروطي...هتبقى قد قولك وطلباتي تبقى اومر
جوده اتسعت عنيه بزهول ورجعلها بسرعه وقال...جربيني
احكام حاولت تخبي دموع عنيها وقالت بقوه مصتنعه..عايزه فرح كبير..تحضره كل البلد..واولهم نوال مراتك و..وخالد اخوك
جوده قال بدون تردد ...موافق..تحت امرك
احكام بصت لعيونه وقالت بتحدي ....والطلب التاني والاهم ..انت هتبرأني قدام كل الناس اللي هتحضر وهتقول ان كل اللي اتقال عني محصلش
جوده فكر شويه وقال بتردد..ماشي... هحاول الاقيلها حل...يعني ممكن نقول اني كنت فاهم غلط وكبرت الموضوع واننا لما اتأكدنا من الحقيقه وعرفنا موضوع التعبان وانك بريئه كان خالد طلقك وانتي اللي رفضتي ترجعيلو... ايه رايك حلو كده
احكام ضحكت وهيه بتصقفلو وقعدت على الكرسي بتاعو وقالت بسخريه...فنان في التأليف والاخراج...بس للاسف السيناريو مش على هوايا...لو عايزني اتجوزك وابقى مراتك وملكك يا معلم يبقى هتقول قدام كل الناس ان انت الي عملت الفيلم ده بنفسك علشان تطلقني من اخوك وتتجوزني ..ده شرطي قولت ايه
جوده اتسعت عيونه بزهول شديد وووو
ايه رأيكم في قرار احكام وياترى ممكن جوده يوافق هيكون رد فعل خالد بعد الصدمه دي اللي جاي روووعه تفاعل شديد علشان ننزل واحد بالليل يلا انتوو قدها وقدود
٦٥ ١٩٥١ استغفر الله العظيم بارت هديه عايزه اشوف احلى تفاعل
هتقول قدام الكل انك افتريت عليا و طلقتني من اخوك لان عينك مني وطمعان فيا.. يا كده يا انسى موضوع جوازنا ده خالص
جوده بصلها بزهول شديد وقال بصدمه...انتي..انتي اكيد بتهزري صح
احكام قالت بسخريه..فهمت جوابك معندكش الجرئه يعني مش قد كلامك...ويعني طلبك مرفوض يلا وريني عرض اكتافك
بس جوده قال بسرعه..لا لا مش كده...بس اللي بتطلبيه مستحيل ..عايزاني اطلع نفسي ندل وضلالي قدام الناس وافتريت عليكي وطلقتك من اخويا شقي علشان اتجوزك ازاي عيزاني اقول قدام الناس كده
احكام ضحكت بسخريه وقالت...لا مش عيزاك تطلع نفسك ندل...دي حققتك يا جوده ...انت بس هتقول الحقيقه..يعني تخيل الناس اللي في صفك وانت كداب نفسهم اللي هيحتقروك لما تبقى صادق ..وبعدين انت مش لسه بتقول ميهمكش كلام الناس..بس انا يهمني لان عندي بنت ولازم احفظلها سيرتها وكرامتها وسط الناس
جوده اتنهد وقال..انتي قاصده تصغريني وبس مش علشان بنتك
احكام قالت..يعني رفضت كنت عارفه
جوده قال بحزم...لا وافقت يا احكام
احكام اتسعت عنيها بدهشه وهو قرب وبص لعيونها وقال..جوده عند كلامه ...انا جاهز احارب الدنيا كلها علشانك .واصلا محدش يقدر يقولي تلت التلاته كام ...انا مش التافه اللي كنتي متجوزاه
احكام بصتلو بخنقه وحاولت تهدى وقالت...ماشي ...الكلام مفيش اسهل منو ..هستنى الفعل
جوده قرب منها وقال بتحذير ..انا كمان مستني الفعل يا احكام...لان لو كنتي بتلعبي بيا هتشوفي مني وش مشفتهوش قبل كده.. وكل اللي فات ولا حاجه بالنسبه للي هعمله
قال كده ومشي وهو محتار جدا مش عارف هيقول ازاي لخالد على جوازه من احكام والاسوء ازاي هيقول الكلام ده قدام اهل البلد
احكام قعدت على الكرسي بزهول من نفسها ازاي وافقته كده نزلت دموعها
في الوقت ده دخل ابراهيم بسرعه وقال...احكام ..بتبكي ليه اهدي اهدي
احكام قالت بدموع وانهيار...حنان ...حنان يا ابراهيم كانت رايحه الحضانه كانت زي القمر ولابسه شنطه و..لبس..لبس حلو...كنت بحلم على طول امشطلها شعرها وهيه رايحه المدرسه اول مره واعملها سندوتشاتها بايدي..بس حتى ملحقتش اكلمها اخدها ...اخدها من حضني وكانت بتعيط وبتترجاني اخدها معايا يا قلبي ... هموت يا ابراهيم همووووت
ابراهيم نزلت دمعه من عيونه وهو بيبصلها بحزن شديد وقال...اهدي ارجوكي وحدي الله...ربنا قادر يربط على قلبك زي ما ربط على قلب ام موسى..قادر على كل شيئ يا احكام
احكام مسحت دموعها وهحاولت تهدى وقالت...ربنا...ربنا ميرضاش باللي حصل ده ابدا يا ابراهيم..ميرضاش بالظلم..ولا يرضى اننا نسكت عليه وانا مستحيل اسكت تاني
ابراهيم بصلها باستغراب وقال..قصدك ايه يا احكام
احكام بصت بعيد عنه وقالت بجمود..جوده طلبني للجواز
مرت اكتر من دقيقه وهو بيبصلها ومعقود لسانه مش قادر يستوعب اللي قالته واخيرا نطق وقال...ايه...يت ايه...يتجوزك...هههه....ههه اكيد ده هزار اكيد مطلبش كده
وزعق وقال بغضب....ده يبقى اتجنن لو وافقت يا ابراهيم
ابراهيم كان هيقع من طوله وقال ...انا..انا مش قادر افهم بتقولي ايه..وافقتي على مين على جوده..جوده يا احكام
قالت بدموع..مقداميش حل تاني
زعق جامد وقال بغضب ميتوصفش
احكام قالت ببكا وانفعال ..منستش..منستش حاجه يا ابراهيم...وعمري ما هنسى انسى ايه ولا ايه ..انسى ضنايا اللي كل ما تشوفني
ابراهيم قرب منها بحزن لما قالت كده وقال ...طب..طب ليه..ليه توافقي مش مضطره
احكام قالت بألم... لا مضطره..علشان كل الي قولتو ده مضطره ..وبعدين اصلا انا كده كده خلاص حياتي باظت مش مستنيه اني ممكن اعيش مع حد احسن منه...خلاص...بعد االي حصل مستحيل اتجوز تاني مين ممكن يقبل بيا اصلا و
بس قاطعها لما قال بسرعه..انا..انا يا احكام
احكام اتسعت عنيها بزهول وهيه بتبصلو بصدمه خصوصا لما كمل وقال....انا اقبل بيكي يا احكام واتمناكي كمان
أحكام بقلم...زهرة الربيع
عند جوده كان قاعد بيشرب شيشه بتوتر وهو مش عارف هيفاتح نوال وخالد ازاي
نول بصتلو باستغراب وقالت...فيه ايه حساك مش على بعضك
جوده التفت لها وقال..احم هو..هو فيه انا...
بس قطع كلامو لما سمع جرس الباب اتنهد وقال..افتحي ده خالد زمانو وصل بنته وجيه
اول ما فتحت خالد قال بغضب...جوزك جيه هنا ولا لسه بيتسرمح تحت
نوال بصتلو باستغراب وجوده وقف واتنهد وقال ...انا هنا يا خالد تعالى عايزك
خالد دخل زي الاعصار ومسكو من هدومه وقال بغضب وزعيق ..مالك بيها تاني ..ايه اللي خلاك تقابلها في دكانك عايز ايه تاني طلاق واتطلقنا فيه ايه تاني
جوده اتنهد وقال.... اهدى علشان نتكلم
نوال قالت ...هو فيه ايه...هيه مين اللي بيقابلها
خالد قال بغضب...البيه جوزك لقيتو مع طليقتي في دكانو الله اهلم بيعملو ايه
نوال اتفاجأت وجوده قال بضيق..حافظ بتردد..فاكر....احم وهصلح كل شيئ..انا...انا هتجوز احكام يا خالد
نوال لطمت على خدودها بقوه وزهول وقعدت على الكنبه ورجليها مش شيلاها
وخالد كمان اتصدم بشده وقال....ايه...تت ايه ..انت...انت طلقتها مني علشان تتجوزها
تتجوزها يعني ايه تتجوز مين اصلا ... طليقة اخوك بعد ما طلقتها مني مستحل تتجوزها عادي كده
جوده اتنهد وقال...متتحسبش كده يا ابن ابويا
خالد قال بزهول...ههه...ابن ابوك...هو انت فاكر اني ابن ابوك...فاكر ابوك اصلا ...بلاش الكلمه دي لانك مبقاش يهمك غير نفسك وبس يا جوده
جوده اتنهد وقال...انت لو هديت هتفهم وجهة نظري
خالد زعق فيه وقال بغضب وانفعال ...علشان كده طلقتها منو بس تنفعلي انا علشان انا كمان عديم شرف اكتر منها
جوده قال بغضب..خالد...لم لسانك وخد بالك لكلامك متنساش اني اخوك الكبير اللي مربيك
خالد ضحك بزهول وسخريه وقال..اللي مش متربي اصلا عمره ما يعرف يربي
اتنهد وحاول يهدى وقال..خالد انا مش عايز اخسرك...متركبش دماغك وتضطرني اعاديك
خالد قال بغضب شديد.... ما انت عادتني خلاص يا جوده هتعمل ايه اكتر من انك خربت بيتي واخدت مراتي مني مراتي ونصيبي من الدنيا وبكل بساطه عايز تتجوزها كمان وتبقى قدامي ليل نهار عايز تاخد مني كل حقي فاضل ايه كمان
هنا بصلو بغضب ميتوصفش وقال..انا وانت عارفين كويس مين سارق حق مين...انت اكتر واحد عارف ان احكام حقي انا من الاول وانت اللي سرقتها مني
خالد بلع ريقه وغمض عنيه وهو بيفتكر غلطة عمره معاه وهو كمل وقال بغضب..ولا نسيت يا خالد..لو ناسي افكرك مين سرق التاني من الاول
احكام حب حياتي من اول ما كانت بتجري في الحاره بضفاير ..كانت كل حاجه حلوه بتمناها..كل ذنبي اني كنت اكبر منها شويه... ولاول مره اقصدك في حاجه قولتلك انت بتدرس معاها داخل معاها وكل ما اسألك تقولي كنا في سرتك كلمتها عنك...هانت ...شكلها بتفكر فيك ....وانا زي الحمار مصدقك وافرح واحلم انها بقت ليا....سافرت اجيب بضاعه شهر
خالد قال بحزن..متكلمتش ليه وقتها يا جوده..انا يومها اعتذرتلك وقولتلك اني حبيتها غصب عني وهيه كمان حبتني من غير ما تعرف حاجه عن اتفاقنا.. وقولتلك سامحني ولو مش قابل انا ممكن اسبها متكلمتش وقتها ليه..انت ساعتها قولتلي خلاص من انهارده هتعتبرها مرات اخوك وبس.. ليه كدبت عليا ورطتنا سوا ليييه
بص بعيد عنه وقال بالم وغضب....مكدبتش مكدبتش ابدا
ده اللي نويتو وحاولت كتير وفضلت احاول وكل ما اشوفكم سوا نار تقيد جوايا واستحمل لحد يوم فرحكم ...معرفتش اقف وسط الناس واشوفك بتاخدها ليك ...غيرت منك اوي مش بس غيرت وكرهتك كمان يا خالد..ايوه..ايوه كرهتك اخدتها مني انا اللي المفروض كنت ابقى بدالك كان المفروض تبات في حضني انا ..وهيه..هيه غلطت اكتر منك لاني قابلتها قبل كتب الكتاب وقولتلها تهرب معايا بس رفضت رفضت علشانك انتو الاتنين اخترتو تتهنو وانا اولع...وانا كمان دلوقت بختار نفسي بختار سعادتي حتى لو هتولعو كلكم انا مش هعيشلكم شمعه تتحرق علشانكم عمري كلو كفايه بقى
انا هتجوز احكام وععملها فرح وانتو الاتنين هتحضروه غصب عنكم والا انتو اكتر اتنين عارفين انا ممكن اعمل ايه
خالد قال بدموع ....انا بنسبالي مش عارف ومبقاش عندي حاجه اخاف عليها مش هحضر فرح حد
جوده قال بغضب... لا عندك اللي تخاف عليه يا خالد....عندك بنتك ولا مش عايزها هيه كمان
خالد بصلو بزهول وقال ...ايه..انت بتهددني ببنتي يا جوده
جوده حول ميبصلوش وقال ...احم اناا مش
نوال رفعت وشها ليه وابتسمت بسخريه وسط دموعها وهو اتنهد وقال..ده طلب احكام ولازم تحضرو
خالد بصلو بدهشه وقال..احكام...احكام عيزاني احضر فرحها
جوده قال.... اه...وتقدر تسألها
خالد ابتسم بسخريه وقال..وطلبت ايه تاني الست احكام يا ترى واضح من شكلك ان ده مش طلبها الاخير
جوده افتكر كلام احكام وطلبها ووووو
ياترى جوده ناوي على ايه وفعلا هيتكلم قدام كل الناس زي ما قال لاحكام..وتفتكرو احكام خلاص كده رضيت بمصيرها معاه مستنيه رأيكم في الاحداث ومتنسوش التفاعل لو بتحبوني وبتحبو احكام طلبت منك ايه كمان غير انك تخسر اخوك وتتجوز طليقتو يا جوده
جوده تفتكر كلام احكام بس كان صعب عليه يقوله اتنهد وقال اللي طلبتو هتشفوه في الفرح ...بالاذن
قال كده ودخل ينام وخالد قعد على الكرسي قصاد نوال اللي كانت بتبكي جامد
بصلها بسخريه وقال...ابكي يا نوال...انتي كان في ايدك توقفي كل ده بس خوفتي يتقال جوزك عينو من مرات اخوه ...دلوقتي مش بس هتتقال دي هتتزاع على العلن....ابكي لانك تستاهلي وانا استاهل اكتر منك
عند احكام اتصدمت وقفت و بعدت بسرعه عن ابراهيم بعد الكلام اللي قاله بصتلو بزهول وقالت..انت..انت قصدك ايه
ابراهيم قال بسرعه ولهفه..انا عايزك وراضي بيكي يا احكام ...ومش بس انا مش مصدقه..ده انا بعتبرك اخويا الصغير يا ابراهيم
ابراهيم قال برفض وسرعه...صغير ايه ده هيه سنه ..سنه واحده يا احكام انتي عندك ٢٦ وانا عندي ٢٥ وبعدين انا مش .اديني فرصه وانا ..انا هخطف حنان ونبعد انا وانتي من هنا خالص مش هنخلي حد يعرف طريقنا ابدا انا هحميكي انتي وبنتك من الدنيا كلها صدقيني قولتي ايه يا احكام
احكام ابتسمت بدموع وقالت....قولت حقك عليا....حقك عليا يا ابراهيم...طول عمرك جمبي واقف سند قدامي وانا عمري ما خدت بالي لمشاعرك...عمري ما حسيت بيك ابدا
و قعدت ونزلت دموعها بغزاره جوده هو اللي باعته كنت اقدر اسيبه وقتها ..بس قلبي رفض قلي اديلو فرصه...اسمعيه حتى....وفعلا سمعته
قلي ..انا عملت كده بس بعدين حبيتك بجد يا احكام..ومبقتش اقدر على بعدك وعلشان كده اتجوزتك ...سامحيني
ونزلت دموعها بحسره وكملت وقالت...رجعت صدقتو ورميت قلبي تحت رجليه...انا..انا استاهل كل اللي جرالي استاهل يا ابراهيم لاني غبيه غبيه قوي
وبقت تبكي بشده
ابراهيم قرب منها بحزن وقال...عمر الحب ما كان غباء يا احكام...انتي عملتي بأصلك وهو عمل بأصله الواطي...واهو غار ...خلصتي منو...طاوعيني واسمعس كلامي خلينا نبعد عنهم ونكمل حياتنا
احكام قالت بدموع ..مبقاش ينفع...عشان حنان يا ابراهيم..دي بنتي ..حته من روحي مقدرش اخليها تعيش عمرها كلو هربانه وخايفه..مقبلش أكد كلام الناس ويقولو اني هربت معاك وان كل كلمه قالها الوسخ ده صح.. مش هينفع ابدا
ابراهيم بصلها بدموع وقال..بس ينفع تتجوزيه يا احكام...عايزه تتجوزيه...انا فاهمك...انتي مش عايزه تحافظي على بنتك ولا هامك شكلك..انتي لسه واقفه
احكام ابتسمت بدموع وقالت...انت لو قولت اي حاجه عني مش هزعل منك يا ابراهيم ...يحقلك...وانا عمري ما ازعل من اخويا الصغير
ابراهيم قال بغضب وانفعال..انا مش اخوكي مش اخوكي فاهمه..ومش صغير يا احكام مش طايق اشوفك تاني اصلا
قال كده ومشي خطوات بغضب
احكام ضحكت بخفه وهيه بتمسح دموعها وقالت ...ابراهيم...شكرا ...شكرا على كل حاجه ربنا يخليك ليا
ابراهيم بصلها برجاء ووجع وواضح في عيونه وهيه ابتسمت بقلة حيله
فاتنهد وشاف ان مفيش فايده ومشي بسرعه من عندها بغضب شديد وحزن ميتوصفش
احكام اتنهدت وقعدت على الكرسي بحزن ووجع عليه وعلى كل اللي حصل معاها من الاول وافتكرت تهامس الناس عليها وكلامهم السيئ اول ما نزلت الحاره بصت قدامها بدموع وقالت..كلو يهون علشان عيونك يا قلبي ..حياتي كلها فداكي يا حنان
عرفه
ويوم الفرح احكام كانت بتجهز وكانت اجمل عروسه حرفيا كأنها صبيه مكملتش العشرين بس كانت دموعها محبوسه في عيونها ومش طايقه نفسها لانها هتضطر تبقى قريبه منو
دخلت امها وقالت بضيق وغضب..عريسك مستني يا عروسه بعتوني استعجلك
احكام وقفت وبصتلها بابتسامه وقالت..انتي لسه زعلانه يا اما
امها قالت بغضب...ده على اساس هامك زعل امك..ما انتي عملتي اللي في دماغك وبتتزفي على اللي خرب بيتك وبوظ حياتك وفضحنا قدام الخلق
احكام قربت منها ومسكت ايدها وقال....بكره تقولي احكام كان معاها حق يا اما ....انا بعمل كل ده علشان اخلص نفسي واخلصكم من الفضيحه دي
امها ابتسمت بسخريه و قالت....عارفه يا
بنت بطني ابوكي سماكي احكام ليه
احكام بصت لها بهدوء وهيه كملت وقالت...لما خلفتك تعبت قوي والدكتور قال اننا هنضطر نشيل الرحم...وانك استغربتو قوي وقلتلو ايه احكام ده كمان
قالي ربنا حكم علينا تكون هيه بنتنا الوحيده وانا هسميها احكام علشان تبقى صاحبة حكم وقرار في حياتها ومحدش يحكم عليها الا اللي خلقها مهما حصل
وطول عمرك بتعملي كده ومحدش قدر يمشي كلمه عليكي ...بس دلوقت مبقتيش كده يا احكام...جوده قدر يكسر عينك ويجبرك تتجوزيه... ولو فاكره لمجرد انو اتجوزك الناس هتنسى اللي حصل... تبقي هبله...ده الموضوع
احكام قالت بدموع...انا لسه زي ما انا يا اما ومحدش يحكم عليا غير الله ...ولو كنت اتنازلت شويه علشان بنتي فانا اكيد عمري ما هقبل عيني تتكسر وهتشوفي
امها بصتلها باستغراب وقالت..قصدك ايه
احكام باست راسها وقالت...قصدي اني مليش غيرك متسبنيش لوحدي حتى لو زعلانه مني متسبنيش انا مليش غيرك
وحضتتها بقوه وبقت دموعها تنزل بألم
امها اتأثرت جدا بدموعها وحضنتها قوي وبقت تطبطب عليها وتدعي ربنا يهونها عليها
بعد شويه كانت احكام نازله وايدها في ايد جوده قدام كل الناس اللي كانو مش مستوعبين اللي بيحصل ...وقدام نوال وخالد كمان
احكام التفتت لنوال وبصتلها بانتصار وهيه شيفاها منزله راسها بكسوف وسط الستات اللي بيتكلمو عليها وافتكرت لما نزلت راسها بنفس الطريقه ورفضت تشهد باللي حصل
وبصت الناحيه التانيه على خالد الي كان اكتر حد مكسوف من اللي بيحصل والغضب في عيونه ابتسمتلو باستهزاء وميلت على جوده وهمستلو في ودنو
جوده اتنهد ووقف وسط الفرح وقال ...احم...يا جماعه...عايز اقول كلمتين
الناس التفتولو باستغراب وهو قال بتوتر ..عايز اعتذر لاحكام وابوس راسها واطلب منها تسامحني في اللي عملتو
عبد السميع ومتعملهاش وبص لجوده بغضب وقال...بس لو كان عندك ريحة
جوده لقى الناس بقت تتكلم كتير قال بزعيق...خلاص خلصنا..كل واحد حر في حياته العائليه...انا غلطت معاها واستسمحتها وهيه سامحتني واهوه قدامكم بنتجوز خلاص موضوع وتقفلو عليه وخلينا نكمل الفرح بهدوء
بس احكام صدمتو لما قالت.... فرح مين
أحكام قالت بغضب اكبر وصوت عالي....قصدي اني عملت الفرح ده علشان اعرف الناس دي كلها حقيقتك الوسخه..مش لانهم هاميني او هاممني كلامهم..لكن علشان بنتي اللي هتتربى وسطهم محدش يجيب سيرتها بكلمه واحده..انما انا نجوم السما اقربلك مني
وقال....انتي ..انتي بتلعبي بيا يا احكام...بتضحكي عليا..لا ده انتي هبله رسمي و متعرفيش مين جوده الصباغ يابنت الزناتي ده انا اخسف بيكي الارض يا بت ولا يرفلي جفن
احكام بصتلو بسخريه وقالت ....اعلى ما في خيلك اركبو ونط من عليه كمان يا معلمه
جوده مسكها من دراعها بغضب وقال بانفعال وجنون.....انتي...انتي فاكره كده في الابيض يا حلوه لو حتى هيكون اخر يوم في عمري فاهمه
احكام بصتلو بقوه وقالت بمنتهى الهدوء ..فاهمه..ومتأكده من كده...عارفه انك مش هتسبني ولا هتسيب بنتي في حالها وعلشان كده جبتلك معايا دي يا جوده
بصدمه وعيونه اتسعو على اخرهم واحكام كانت بتبصلو بحقد شديد وطلعت السكين بقوه وضربتو بيها مره تانيه وقالت بغضب اعمى وصريخ .... امانه في رقبتك
ابراهيم هز راسو بالرفض وقال ..لا..لا مش هيجرالك حاجه لا..يلا ههربك من هنا لازم تمشي يللااااا
بس وقفت مكانها وقالت بدموع..انا طلبت البوليس قبل ما انزل يا بصدمه لما قالت البوليس جاي
وجوده كان على الارض في حضن نوال بيلفظ اخر انفاسه وعايز ينطق مش قادر وتقل جسمو ووقعت ايده
ونوال بقت تلطم وتصرخ وخالد كان بيبكي جمبه وقال بزعيق ووجع..ليه...ليه يا احكام ..ليه انا السبب في كل ده انا السبب
احكام ملتفتتلوش وابتسمت بسخريه وراحه لما عرفت انو مات ومسحت الدم اللي في اديها في فستانها الابيض وقربت من امها اللي كانت متجمده مكانها والدموع في عيونها وقالت....حنان يا اما خدو بالكم ليها
ابراهيم قال بسرعه وخوف...مش هيجرالها حاجه يا خالتي .....هقول انا اللي قتلته انا..انا هدخل بدالك و
احكام قاطعتو وقالت بسرعه.....محدش هيتظلم تاني خلاص...انا اللي قتلتو محدش هيشيل شيلتي غيري....انت بس خد بالك لحنان هيه محتاجه راجل جمبها يبقى سند زيك ...لان ابوها ولا راجل ولا وسط الخلق
قالت كده مع وقوف عربيات البوليس ونزول الشرطه اللي لقوها واقفه والدم على اهدومها وهيه قالت بصوت عالي... انا اللي قتلته ..انا
الظابط اخدها تحت صدمة الجميع والشيخ نعمان هو ورجالة الحته بقم كلهم يكلمو محاميين ليها وبيطمنوها وبيقولو بنتك في عنينا ...هنقوم محامي ...مش هنسيبك
احكام ركبت البوكس وابراهيم وقف جمب العربيه وقال بألم..هستناكي هستناكي العمر كلو
احكام ابتسمت برضا وقالت ...بس انا مش عيزاك تستنى عيزاك تعيش وتنبسط..انت اكتر واحد تستحق تعيش
ابراهيم نزلت دموعه بغزاره ومقدرش يرد والعربيه طلعت وبقى يجري قصادها واحكام قالت بسرعه....خد بالك لحنان يا ابراهيم...قولولها احكام مقدرتش تحوش عنك احكام القدر ...بس قدرت تحوش عنك احكام الناس
النهاية
احكام قدرت تبرأ نفسها قدام الناس ولكنها مبرأه قدام ربها من البدايه..متنسوش ان الله سميع بصير ومن اعظم الذنوب قذف المحصنات الغافلات..قال تعالى
بسم الله الرحمن الرحيم
إذ تلقونه بألسنتكم وتقولون بأفواهكم ما ليس لكم به علم وتحسبونه هينا وهو عند الله عظيم
ولولا إذ سمعتموه قلتم ما يكون لنا أن نتكلم بهذا سبحانك هذا بهتان عظيم
صدق الله العظيم
سورة النور الآيتان 15 و
ده رسالتي من القصه الظلم ظلمات يوم القيامه وكلام الناس ممكن بسهوله يبقى حبل مشنقه لشخص سواء بريئ او مذنب دعو الخلق للخالق
أحكام بقلم زهرة الربيع
كنتم مع قصة
