رواية زهرة (الفصل الثاني عشر 12)بقلم صفاء حسني

في بيته وعبد الله صديق عمره.
بيكتب وصية بإيده وكاميرا بتقرب من كلماته
يا زينة... إوعي تمشي ورا اللي يلمع. دوري دايما ورا اللي مستخبي... الحقيقة.
عاصي بصوت مبحوح
عارفين ليه كل ده حصل عشان منصور حاول يقاوم... بس تمن الحقيقة كان كبير.
الفصل الثاني عشر 
زهرة العاصي الكاتبة صفاء حسني 
حصري قيد الكاتبة 
زينة بعد سماعها لكل ذلك تنهدت وطلبت من جدها محمد أن يتوسط لها لدخول الجامعة تحديدا هي وزهرة ووصت بأن تبقى زهرة على علم ضئيل حتى تركز على مستقبلها. وعرفت مع الوقت أن الإدارة مسؤولة عن فريق كبير يوزع المخدرات وهذا ما اكتشفته أمها وأصدقائها إن هناك شبكة توزع...
زهرة منصدمة ووجهها يتغير تماما
يعني... ياسمين وزياد ليادر لبيع المخدرات ولما أنقذني من الشباب اللي كانوا بيضيقوني وقتها كان عايز يوقع مدمنة جديدة
زينة تهز رأسها بوجع وندم
أيوه... عشان كده كنت دايما أطلب منك تبعدي عنهم لكن لطيبتك صدقتي قصتهم الهبلة اللي حكوها لك إن أهلهم سبب ضياعهم وإنهم نفسهم يتغيروا. و ياسمين كانت بتدير جزء من التوزيع في الجامعة وزياد كان منسق التوصيل. أنواع المخدرات اللي كانت بتتباع
ترامادول
كبتاجون
LSD
منشطات مزيفة
استروكس مغشوش بيقتل في أول سحبة
عاصي منصدم يسألها
معنى كده المافيا دي شغالة من زمان وخالك منصور ووالدتك سعاد اتعرفوا على نفس السبب وبدأوا يقاوموا إزاي
نظرت زينة لعاصي كلما ذكرت زياد ظهرت الغيرة في عيونه. حاول عاصي الهروب من هذا الشعور وسأل
طيب واضح إن القصة كبيرة جدا احكي من الأول إمتى اتعرف منصور وسعاد ببعض
زينة تنهدت بحزن
اتجوزوا في سر وكانوا ناويين يعلنوا كل حاجة لما يخلصوا شغلهم. بس حصلت مصيبة... أمي اتعرضت لحادث... قالوا إن سعاد ماتت وإن الجنين مات معاها. بس الحقيقة... أنا كنت الجنين. وكنت بين الحياة والموت في حضانة المستشفى.
عاصي مصدوم
يعني اللي اتقال كان كله كدب
زينة بإصرار
أمي و وردة... الست اللي ربتني كانت مع ماما قبل الحادث هي اللي اكتشفت إني عايشة وخبتني عن الكل حتى عن منصور نفسه. جدي محمد جدك زهرة هو اللي وافق يربيني معاهم... ما سألنيش يوم ولا حسسني إني مش منهم.
زهرة بدموع في عينيها
وأنت عارفة ده من إمتى
زينة
من سنتين... لما منصور رجع من السفر جدي محمد قرر يحكي له ويبلغني مين أبويا ومين أهلي. لكن وقتها كان معاه واحدة ست... كانت باينة عليها ملاك بس هي كانت شيطان. اكتشفت إنها من نفس العصابة اللي أمي حذرت منها زمان... وقتها عرفت كل حاجة... وقررت أدور وأكمل مشوار أمي وأبويا.
عاصي بتركيز
وأنا وزهرة في السكة...
زينة بنظرة امتنان
يمكن أكون بدأت لوحدي بس ربنا بعتليكم علشان أكمل. أنا محتاجة لكم... ومش بس علشان نكشف الحقيقة... علشان نكمل الحكاية اللي اتبدأت بحب... وانتهت بظلم.
زهرة قامت غاضبة
لكن أنت نسيتي إنك في مقام أختي! أو أنا كنت فاكرة كده ليه استغليتيني سنتين ودخلتيني في ٣ سنين بتجمعي فيها معلومات تستغلي وقوفي مع دكتور فلان عشان الشرح وأنت بتجمعي معلومات طالب أو طالبة تقرب مني عشان أشرح لها حاجة تفرح وتسيبني على عمايا يا مومنة! أنت أصلا ما قولتيليش إنك حفيدة عزيز إلا من شهرين بس لما سمعتك بالصدفة بتتكلمي أنت وجدك.
زهرة تضحك على نفسها
كنت لما أدخل عليكم أسكت وكنت أستغرب ولما أسألكم تقولي بأخد رأي جدي في حاجة وأنت كنت بتوريه كل جديد في تحقيقاتك العظيمة.
زينة تحاول الدفاع عن نفسها
أنا كده يا زهرة كل الحكاية كنت خايفة عليك خايفة حد يضرك ولما قرب منك زياد حذرتك ألف مرة.
زهرة تضحك بسخرية ووجع
فعلا حذرتيني بأمارة كنت واقفة تتكلمي معاه في أي موضوع والسلام عشان توقيعه ياها! أنا كل ما أفتكر حاجة أحس إني هبلة أوي.
عاصي يوقف العتاب
حتى لو خبيتي عليك مش وقته أي عتاب أو نقاش. ممكن غلطت إنها دخلتك في حرب ملكيش فيها لكن دلوقتي لازم نخوضها... يبقى هنخوضها سوا.
زهرة ترفض وتنسحب
لأ شكرا لكم حربي غير حربكم أنتم بتحاربوا على ورث وأملاك لكن أنا حربي سمعتي متهمة بقتل بنت وأنا مليش علاقة.
عاصي بحدة غير واضحة
اهدى كده وعايز أفهم دلوقتي أنت عايزة تقولي إيه بالظبط إزاي ملكيش علاقة ومين دخل الدكتور كريم في الموضوع.
زهرة ترفع حاجبيها بدهشة
اسألها السؤال ده مش ليا أنا كنت بعتبر الدكتور كريم مجرد معيد في الجامعة وكان بيساعدنا في أمور دراسية أو ده اللي كنت فاهماه. لكن في الخفاء حجتهم إنه واقف مع زهرة أولي الجامعة وفي الخفاء بيخططوا لكشف الفساد.
عاصي يحاول إخفاء غيرته ويدافع عن نفسه
أنا مقصدش حاجة... مجرد سؤال. حسيت إن أكيد ليه دور مهم وحبيت أعرف مكانه في اللي بيحصل.
زينة تقترب من زهرة وتضمها من ظهرها
حقك عليا أنا آسفة إني دخلتك في الدوامة دي.
زهرة ترفض التكلم معها
أنا طالعة وأنتم مع نفسكم اعملوا تحرياتكم.
زهرة تتركهم وتخرج للحديقة لترتيب أفكارها. زينة تحاول التبرير
أنا مكنتش عايزة أدخلها أقسم بالله العظيم وكنت دايما ببعدها بس أنت ليه مصمم تجريح في زهرة ده اللي قولتلك عليه.
عاصي يتنهد
تجاهلي لي مجنني خلاني أخرج عن شعوري.
زينة تبتسم
كريم... من ناحيتك ولا من ناحية زهرة يا دكتور مافيش غير اللي في دماغك.
عاصي يبدو عليه الارتباك
قصدك إيه
زينة