رواية زهرة العاصي الفصل الحادي والعشرون 21 بقلم صفاء حسني
المحتويات
ابدأ بكتابة إفادة رسمية وماتخافش
صالح يتصل ب زينة وهو بيكلم بصوت سريع
أنا حبسته
استغربت زينة وسالته
مين يا خالى
تنهد صالح
سليم دلوقتي تحت ايدى بس فيه مشكلة
زينة بترد عليه بخضة
مشكلة إيه يا خالى !
تحدث ونفسه يطلعوينزل
موبايله في إيدي بس مش قادر أفتحه عليه رمز سري وأنا متأكد إنه فيه الفيديوهات الخاصة ببتى بس مش عارف أوصل لحاجة
طلبت منه زينة يستنها وهى جاية ومعها واحد
ت
قفل زينة وتروح عندهم
دخلت زينة عندهم كانت بتتكلم بحماس وهي بتبلغهم بكل اللي قاله صالح وعينها مليانة خوف ودهشة
زينة بنبرة متوترة
خالى صالح اتصل بي وقال انه حجز سليم وعايز يفتح تليفونه عشان مصور زهرة فيديو
انصدم عاصي كان باين عليه التوتر
رامي يوقف فجأة ويضحك بسخرية
ايه كل المصايب ده
سيبه عليا لو فيه دليل جوه هطلعه!
بيت صالح صالون صغير صالح قاعد مرهق كان وصل والكل واصبحوا حواليه عاصي زينة رامي
رامي قاعد قدام لابتوب موصل موبايل سليم عليه وبيشتغل في صمت وتركيز شديد بيكتب كودات وبيفك التشفير
رامي بعد دقايق
فتحته!
الكل يتجمع حواليه يفضل يقلب في المحادثات وفجأة يقف عند اسم نادية خاص
رامي
تم تحويل المبلغ انتظر التعليمات القادمة ابعد زينة عن الموضوع وخلي زهرة تختفي
زينة بصدمة
نادية! نادية بعتاله فلوس!
رامي يكمل يفتح سجل التحويلات البنكية يشوف مبالغ كبيرة دخلاله من حسابات مختلفة بعدها يفتح تطبيق صور يلاقوا
عاصي وهو بيمسك دماغه
يا نهار أبيض ده كان بيوزع!
رامي
أيوه شايفين دي
دي صور لأكتر من مدرسة في البلد
وسجل للمكالمات مع ناس معروفين في السوق السودة
سليم مش بس خان زهرة
صالح وهو بيبص في الأرض بمرارة
ده أنا اللي كنت شايله على كتافي
وهو بيغرس في بنتي سكاكين
ابني خان الكل وباع نفسه للشيطان
زينة تبص لعاصي وعينيها دموع وغضب
زينة
إحنا لازم نكشف ده كله ونطهر البلد من اللي زيه
أنا مش هسكت لا على الا عمله ل زهرة ولا على أي بنت ممكن يكون أذاها!
عاصي بحزم وعينيه مليانة تحدي
عاصي
وأنا معاكم مش هسيب حق زهرة ولا حق أي حد راح ضحية للكلب ده
زهرة العاصى الكاتبة صفاء حسنى
داخل مخزن مهجور ليل سليم مربوط على كرسي ووشه عليه آثار ضرب
نور كشاف على وشه وعاصي وصالح واقف قدامه ورامى في الخلف بيصور الاعتراف وسليم بيبص لهم بعينين مكسورة
الإضاءة قوية وسليم باين عليه الإنهاك والتوتر وصالح عينه مولعة نار وبيصرخ بصوت عالي
صالح بحدة
!
مين صاحب الرقم الغريب اللي بيتصل بيك كل شوية!
سليم بيحاول يهرب بعينه صوته بيتهز
سليم
أنا أنا كنت بخاف عليكم كنت عايز احمها
إنت مش شايف بتعمل إيه كنت خايف تبهدل اسمنا! واتجوزتها عشان محدش يلعب بعقلها تروح تجيب ده ويشاور على عاصي الغريب ده وتسمع حديثه
صالح يصرخ أكتر صوته بيزلزل المكان
ماتلعبليش على حبال العيلة!!
حديث الغريب ده هو الا كشفك !
ونسيت إني عمك! ده أنا مربيك!
سليم يصرخ بضعف
سليم
أنا ابن أخوك!! مش من الغريب وحقي احميها من الكل !!
ضحكة قصيرة مريرة تطلع من صالح ويميل ناحيته بنظرة مليانة خزي
صالح
تحميها من الكل وتدمرها انت وتفضحها انطق
الغريب كشفك يا ابن أخويا
الغريب هو اللي عمل تتابع على تليفونك
واكتشف إن جالك رسالة من رقم مجهول
فيها عنوان بنتي!!
انطق مين! مين اللي بعتلك!
سليم يتنفض من مكانه صوته بدأ ينهار
سليم بصوت خافت
هي الست دي هي اللي بدأت كل حاجة
من زمان من أيام الثانوية
قالتلي أبعد زهرة وزينة عن الجامعة
وقالتلي الجامعة
ومن يومها وانا تحت أمرها
صالح بعينين مليانة دموع وغضب
إنت بعت بنتي لحساب ست ما تعرفهاش
واشتغلت جاسوس في بيت أهلك
ده حتى الخاين بيخون أعداءه مش دمه!!
لحظة صمت بعدها صالح يقف ويزعق بصوت عالي
صالح
ابني اخى تعاون مع العصابة
عشان يشغل زينة بعيد عن الحقيقة
وبعد ما زهرة اختفت وصلوا ليك مكانها
وسكت ومشيت وراهم زي كلب!!
صالح يبص له بنظرة حاسمة
ودمك ما بقاش بينا
وأنا اللي هسلمك للشرطة
وهشهد عليك كأنك غريب لأنك فعلا غريب!
سليم ينهار يحاول يقرب منه وصالح يبعد برجله الكرسي ويخرج من الأوضة وصوته بيرن وراه
صالح بحزن
أنا كنت معمي ووردة كانت شايفة
إنت وامك نفسكم تدمروا مستقبل بنتي
عشان ما تبقاش أحسن منك
لكن البنت اللي حاولتوا توقعوها
هي اللي طلعت سندي!
سليم بصوت متهدج
هقولكم كل حاجة
أنا غلطت غلطت من أول لحظة وأنا فاكر إني بعمل الصح
ي
عاصي بحزم
ابدأ من الأول
سليم بيتنهد
وزهرة في تالتة ثانوي كنت برائب زهرة وهي بتسحب أوراقها من المدرسة
قابلت ست شكلها شيك قوي بس كلامها كان غريب
الصوت يتحول لصوت فلاش
فلاش باك أمام المدرسة الثانوية نهار
سليم واقف على ناصية الشارع بيراقب زهرة من بعيد وفجأة ست كبيرة في
متابعة القراءة
